柞木炭家

Open Now

Now Closed

💡高質牛宴朋友外國黎味，知道佢鍾意食燒肉，所以就帶佢食呢間韓燒。呢間最近推出左牛舌系列，岩曬朋友，而且店員亦好好咁幫你燒埋，非常貼心。🍽蔥蒜牛舌店員用牛舌捲起蔥蒜嚟燒，食落帶點辣辣地，好惹味。🍽牛舌三吃 🐂包括有蔥蒜牛舌、檸檬鹽花牛舌及厚切網燒牛舌，燒完之後更可以迫出的油脂，味道好香。🍽燉牛舌牛舌炆燉好入味肉質軟腍腍，仲有幾舊牛筋，配埋紅蘿蔔及洋蔥，好香甜😋🍽韓牛肉眼 🐂厚度十足，肉眼油花分佈得好靚，店員會先問你要幾多成熟，好貼心咁幫你燒埋。韓牛肉眼好香牛味，點左5成熟，剛剛好。燒完之後肉眼仲有好多肉汁，牛香味係口入面徘徊緊🤩🍽生蠔牛肉石頭鍋飯🦪有3大隻蠔，生蠔新鮮多汁，口感爽脆，石頭鍋中的飯粒煮得剛剛好，吸收左牛肉和蠔的鮮味，仲有少少飯焦，味道好豐富。🍽舞動喵🐰佢係一個貓型布甸，整係賣相都好吸引，只要搖動碟仔，布甸都會跟住擺動，好搞笑，配埋Oreo脆脆一齊食，好夾！