Video
Read full review
2018-02-11
1598 views
小店嘅舖位距離地鐵站就比較遠少少，不過甜品真係超高質啊！雖然地方就比較細，但都算幾整齊下，有時同朋友坐喺度傾吓計都唔錯㗎1️⃣日式蕨餅抹茶心太軟伴抹茶雪糕呢個甜品裏面一次過可以搵齊三款唔同嘅抹茶甜品，個人就覺得比較抵食。首先蕨餅方面，入口有少少黏口，而且本身蕨餅已經說動左，所以入口都有少少透心涼嘅感覺。雖然蕨餅上面嘅抹茶粉就有啲少而且有少少濕咗嘅感覺，但係抹茶味都仲有嘅，而且蕨餅本身仲可以食到好香嘅黃豆粉味添！相信呢個甜品本身嘅另一個重點就係個心太軟啦！心太軟切開其實都幾流心下架，而且心太軟整體嘅抹茶味都幾重下，但未至於話去到有回甘嘅效果。而且心太軟嗰個海綿蛋糕都有返一定厚度，所以個心太軟表面唔會話好硬。個人覺得都算係一個高質嘅心太軟。最後就要介紹埋佢哋個抹茶雪糕架，雪糕嘅質感比較似Gelato，而且比較值得一讚嘅係佢裏面唔會有一粒粒嘅碎冰喺度。另外抹茶味都好香，一問之下先發現原來佢哋係用咗京都丸久小山園抹茶粉，而且佢哋嘅雪糕仲係自家製嘅添，所以抺茶味先會咁香。2️⃣紫薯梳乎厘伴雲呢拿雪糕不過相比之下小編就覺得呢個紫薯梳乎厘就真係普通左少少啦。雖然梳乎厘嘅蛋白真係打得好靚好滑，但小編食落就覺得
雖然地方就比較細，但都算幾整齊下，有時同朋友坐喺度傾吓計都唔錯㗎
日式蕨餅抹茶心太軟伴抹茶雪糕
$58
72 views
4 likes
0 comments
1️⃣日式蕨餅抹茶心太軟伴抹茶雪糕
呢個甜品裏面一次過可以搵齊三款唔同嘅抹茶甜品，個人就覺得比較抵食。
首先蕨餅方面，入口有少少黏口，而且本身蕨餅已經說動左，所以入口都有少少透心涼嘅感覺。雖然蕨餅上面嘅抹茶粉就有啲少而且有少少濕咗嘅感覺，但係抹茶味都仲有嘅，而且蕨餅本身仲可以食到好香嘅黃豆粉味添！
相信呢個甜品本身嘅另一個重點就係個心太軟啦！心太軟切開其實都幾流心下架，而且心太軟整體嘅抹茶味都幾重下，但未至於話去到有回甘嘅效果。而且心太軟嗰個海綿蛋糕都有返一定厚度，所以個心太軟表面唔會話好硬。個人覺得都算係一個高質嘅心太軟。
最後就要介紹埋佢哋個抹茶雪糕架，雪糕嘅質感比較似Gelato，而且比較值得一讚嘅係佢裏面唔會有一粒粒嘅碎冰喺度。另外抹茶味都好香，一問之下先發現原來佢哋係用咗京都丸久小山園抹茶粉，而且佢哋嘅雪糕仲係自家製嘅添，所以抺茶味先會咁香。
紫薯梳乎厘伴雲呢拿雪糕
$58
80 views
3 likes
0 comments
2️⃣紫薯梳乎厘伴雲呢拿雪糕
不過相比之下小編就覺得呢個紫薯梳乎厘就真係普通左少少啦。雖然梳乎厘嘅蛋白真係打得好靚好滑，但小編食落就覺得好似有浸生雞蛋味所以唔係太鍾意。但食完之後其實又真係幾飽肚下喎，因為其實梳乎厘下面有大量嘅紫薯蓉喺度，而且紫薯蓉入口香得來亦都算幼滑。不過個人覺得整體驚喜都唔算太大，同平時食到嘅質素都差無幾。
另外呢一個梳乎厘本身跟埋一球雪糕，以雪糕嘅口味就有雲呢拿、朱古力、抺茶同曲奇。今次小編就揀咗比較普通嘅雲呢拿味，呢隻雲呢拿雪糕簡單啲來講就係冇冰粒嘅維記雲呢拿雪糕😂係咪好簡單易明呢？
唔好以為鋪頭細細就冇咩選擇，喺呢度甜品嘅選擇一樣多籮籮
Post
