Video
Read full review
2019-06-23
149 views
今日同同事慶生，就黎到太古呢邊食野，我專登揀間有情調嘅餐廳，享受晚餐。一黎就叫左個煙燻特級水牛芝士配意大利雜錦車厘茄及蕃茄果凍。本身以為會有好多沙律菜，點知冇乜，主角係芝士同果凍。煙燻芝士口感好好，外層燻到半硬半軟，而裏面既芝士就依然好creamy，食落有雙重口感。而果凍既味道亦非常特別，食落隱約有肉味，配埋芝士好好味。 之後就係主食蛋黃芝士汁伴風乾煙肉粒自家製幼麵-呢個自家製幼麫絕對值得推介。除左蛋黃芝士汁好香好濃，最值得欣賞既都係幼麫本身。幼麫好明顯同其他地方既唔同，除左好實在好足料，幼麫亦整得好好，口感煙軔之餘又好彈牙，絕對係食過幼麫裏面數一數二。配埋醬汁同又juicy又結實既風乾煙肉粒，味道就更加豐富好味。 呢個炭煙加拿大穀飼有骨豬扒嘅薯菜既質素都唔錯，有好多款唔同蔬菜，而味道亦配搭得好好，但最正都係主角豬扒。豬扒唔算好腍，但口感好結實，食得出係好高質既豬扒。最重要既係結實之餘又唔會太硬身，反而食多幾啖會有鬆化既感覺，加上燒到鎖哂肉汁，食落好juicy好多汁，實在係極具質素。 最後就當然係甜品流心朱古力蛋糕配焦糖海鹽雪糕。甜品亦非常高質，主要係海鹽雪糕味道好好。海鹽雪糕既奶味好
一黎就叫左個煙燻特級水牛芝士配意大利雜錦車厘茄及蕃茄果凍。本身以為會有好多沙律菜，點知冇乜，主角係芝士同果凍。煙燻芝士口感好好，外層燻到半硬半軟，而裏面既芝士就依然好creamy，食落有雙重口感。而果凍既味道亦非常特別，食落隱約有肉味，配埋芝士好好味。
之後就係主食蛋黃芝士汁伴風乾煙肉粒自家製幼麵-呢個自家製幼麫絕對值得推介。除左蛋黃芝士汁好香好濃，最值得欣賞既都係幼麫本身。幼麫好明顯同其他地方既唔同，除左好實在好足料，幼麫亦整得好好，口感煙軔之餘又好彈牙，絕對係食過幼麫裏面數一數二。配埋醬汁同又juicy又結實既風乾煙肉粒，味道就更加豐富好味。
呢個炭煙加拿大穀飼有骨豬扒嘅薯菜既質素都唔錯，有好多款唔同蔬菜，而味道亦配搭得好好，但最正都係主角豬扒。豬扒唔算好腍，但口感好結實，食得出係好高質既豬扒。最重要既係結實之餘又唔會太硬身，反而食多幾啖會有鬆化既感覺，加上燒到鎖哂肉汁，食落好juicy好多汁，實在係極具質素。
最後就當然係甜品流心朱古力蛋糕配焦糖海鹽雪糕。甜品亦非常高質，主要係海鹽雪糕味道好好。海鹽雪糕既奶味好香甜，但又會透出淡淡既海鹽鹹味，兩種味配得好好，甜中帶鹹，非常好食。而且旁邊仲有焦糖同果仁，可以按唔同口味一齊食。而朱古力流心蛋糕亦整得唔錯，蛋糕實在得黎又好鬆軟，唯一美中不足既係唔夠熱，但都好高質。
順帶一提，一入到黎店員就有問飲咩，比我地解下渴，我就叫左芒果汁唔錯，係真係鮮榨果汁，裏面有一絲絲既芒果蓉，而且飲得出幾乎冇加過水，好濃郁好新鮮。
Post
