Video
Read full review
2020-01-03
12095 views
今年生日男朋友帶左我黎食君悅慶祝♥️呢到熱葷出名非常高質(啱我呢啲唔食刺身/生蠔既人😳）係澳門食過Mezza9已經非常出色！令我更加期待香港既君悅會唔會有更高質素😆!!<環境/服務>樓底高，落地玻璃，空間感十足✨座位非常舒適😆燈光較暗，幾有格調同氣氛🥂訂位時講左想坐窗邊亦安排到😆服務態度好專業！Keep住有笑容好有禮貌！收碟快，整體俾人感覺好好又親切💕<凍海鮮>有蟹腳、翡翠螺、龍蝦鉗、龍蝦、凍蝦✨每樣都試左啲，品質都唔錯，食得出好新鮮！最推介凍蝦同龍蝦🦞🦐味道鮮甜，肉質爽口彈牙 十分高質😋<刺身•壽司>刺身有魷魚、三文魚、甜蝦、吞拿魚、油甘魚帶子原粒厚切 味道鮮甜 必食之選🤩魚生飯賣相七彩繽紛 十分精緻吸引🌈而壽司只有三款卷物 亦唔太吸引～<熱葷>到我最期待同最鍾意既熱葷😋呢一區係開放式廚房，每樣熱盤份量都唔會太大廚師見到所餘無幾就會即時炒過碟出黎😍確保每樣熱盤都係熱辣辣夠新鮮有鑊氣🔥🌟海鮮上湯炒龍蝦🦞先略炸熟然後再用上湯炒！龍蝦肉爽彈多汁 配合埋上湯更鮮美juicy!!比凍龍蝦更好味🤤亦係最受歡迎既一款！隔黎三款係三色椒茄
呢到熱葷出名非常高質
(啱我呢啲唔食刺身/生蠔既人😳）
係澳門食過Mezza9已經非常出色！
令我更加期待香港既君悅會唔會有更高質素😆!!
<環境/服務>樓底高，落地玻璃，空間感十足✨
座位非常舒適😆燈光較暗，幾有格調同氣氛🥂
訂位時講左想坐窗邊亦安排到😆
服務態度好專業！
Keep住有笑容好有禮貌！收碟快，
整體俾人感覺好好又親切💕
<凍海鮮>
有蟹腳、翡翠螺、龍蝦鉗、龍蝦、凍蝦✨
每樣都試左啲，品質都唔錯，食得出好新鮮！
最推介凍蝦同龍蝦🦞🦐
味道鮮甜，肉質爽口彈牙 十分高質😋
<刺身•壽司>
刺身有魷魚、三文魚、甜蝦、吞拿魚、油甘魚
帶子原粒厚切 味道鮮甜 必食之選🤩
魚生飯賣相七彩繽紛 十分精緻吸引🌈
而壽司只有三款卷物 亦唔太吸引～
<熱葷>
到我最期待同最鍾意既熱葷😋
呢一區係開放式廚房，每樣熱盤份量都唔會太大
廚師見到所餘無幾就會即時炒過碟出黎😍
確保每樣熱盤都係熱辣辣夠新鮮有鑊氣🔥
🌟海鮮上湯炒龍蝦🦞
先略炸熟然後再用上湯炒！
龍蝦肉爽彈多汁 配合埋上湯更鮮美juicy!!
比凍龍蝦更好味🤤亦係最受歡迎既一款！
隔黎三款係三色椒茄子炒魚塊、黑椒炒鴿肉、
雜菌紅燒豆腐，都係夠新鮮熱辣好好味😋👍🏻
🌟即炸天婦羅🍤
有軟殼蟹、蘆筍、茄子、蕃薯、南瓜選擇🍆🎃
所用既食材全部試過都好新鮮！
脆漿薄而均勻，食落仲有淡淡芝麻油香～
油膩感唔重
點埋天婦羅汁同綠茶鹽真係超好味！！
毫無挑剔位✨食左兩大碟🤤
串燒區🍢燒蝦好香牛油味～肉質唔乾柴
火候控制得啱啱好🔥
菠蘿燒得金黃焦香，香甜多汁🍍
四款蒸海鮮🐟清蒸龍躉、沙嗲蒸帶子、
海鮮辣汁蒸螺、白灼蝦🦐正常水平質素👍🏻
另外仲有即煎鵝肝大大件任食、中式西式湯、
燒牛肉、燒雞、西式熱盤、日式烏冬等～✨
<海南雞•燒味>
🌟海南雞🐥肉質非常嫩滑有雞味，
仲可以要求雞髀肉🤤
油飯粒粒分明 好香雞油味 高質之作💯
亦有黑醬油、蔥油、辣醬三款醬油～
最鍾意黑醬油甜甜地唔會太鹹👍🏻
男朋友食左兩碗！可想而知有幾高質好味🤤
燒味就一般般，叉燒膿邊甜甜地幾香，
但唔係特別好味🤔
燒鵝肉質偏韌，燒鵝皮亦唔夠脆！
<甜品•雪糕>
甜品區比較細，款式選擇亦比較少～
不過個陣已經勁飽，剩係食左雪糕🍦😝
臨近聖誕節，蛋糕都以聖誕做主題🍰
充滿節日氣氛🎄
另外仲有麵包布甸、葡撻、甜品杯等選擇🍧
自家製雪糕有8款口味✨
朱古力味非常濃郁，甜而不膩🍫
港式奶茶雪糕 茶味突出香濃 值得一試☕️
椰子雪芭味道清香 唔假🥥
綠茶有回甘，味道香濃🍵草莓乳酪太酸😣🍓
其餘仲有提子冧酒、海鹽焦糖、芒果等口味🥭
雪糕唔會太甜😝不過唔大驚喜，我都係鍾意Hagen Dazs多啲♥️
水果有西柚、西瓜、菠蘿、奇異果、橙
每款都好新鮮，香甜多汁😋
整體黎講超滿意😚主要係野食都好啱我地口味而且十分高質！見到我地開始食水果個陣仲準備左件生日蛋糕俾我🎂小小心意 但非常窩心😍😚🎉最推介同必食就係即炸天婦羅、海鮮上湯炒龍蝦同海南雞🏆不斷Encore呀
Post
