Chez Shibata (Closed)

今日同朋友去左中環行街，係士丹利街見到有間餐廳，有主食、蛋糕、咖啡，就同朋友入去坐低hea下。我地2 個叫左2件蛋糕，草莓忌廉撻$40同伯爵茶朱古力蛋糕$38。草莓忌廉撻係用100%北海道忌廉，開頭以為會好漏，原來除左頂的忌廉，裡面就好少忌廉，有好多士多啤梨，酸酸甜甜好開胃，另外餅底好脆好香牛油味。伯爵茶朱古力蛋糕一層層，伯爵茶味道好濃，同朱古力好夾，中和左朱古力甜度，兩款都係好高質的蛋糕。凡惠購任何食品，即可加配menu上的一款飲品，我朋友就叫左杯手調特飲熱泡沫咖啡，加$18，都好抵的，蛋糕加咖啡，加上優美的環境，好寫意的下午茶。