萬發海鮮菜館

Open Now

Now Closed

今日四條友行完獅子山，大約8:00pm食飯時間，朋友介紹打的去附近深水埗萬發。有經驗食過嘅朋友一坐底就已經發板叫左薯仔牛肉粒，椒鹽鮮魷，蜜餞欖香一字骨呢三樣，我地只不過是旦叫多個炒豆苗同小炒王。四個人，五個小菜，分量啱啱好！薯仔牛肉粒果然名不虛傳，係好好好味！第一次覺得薯仔原來係可以咁好味！！！牛肉粒當然都好味，但好味嘅牛，有好多地方都食到，但好味嘅薯仔🥔，唔係到到食到，薯仔因為用蜜糖焗過，表層好香蜜味而且好脆，裡面texture亦好有咬口，完全明白點解每一枱都order呢碟小菜椒鹽鮮魷，魷魚彈牙，食得出係新鮮魷魚🦑，個表面粉漿粉量都適中，夾啤酒一流🍺！蜜餞欖香一字骨味道有少少似薯仔牛肉粒，但因為係一字骨，炒得好香口，美中不足係條骨真係比較大條，肉比較少，如果可以多d肉就更正！另外小炒王同炒豆苗亦都唔錯，但比之前三個小菜搶左風頭，但齋食肉有d heavy, 所以都係必須要order. 小炒王同炒豆苗同一般大排檔差唔多，唔會失望，亦唔會有太大驚喜。Overall黎講，每碟小菜都好食，薯仔牛肉粒更係必食嘅招牌菜，值得一試！