半島漁港/阿翁火鍋館 (南昌薈)

Open Now

Now Closed

今晚行深水埗南昌薈商埸，經過半島漁港阿翁火鍋館，見到個餐牌好吸引，$1可以食到燒鵝或文昌雞或BB豬，睇落真係好抵，一於入去試吓。入到酒樓，人頭湧湧，裝修酒樓格局，座位寬闊。我哋叫咗四個餸：$1 燒鵝，店員送到嚟，已經聞到陣陣燒鵝香味，食落口，皮脆肉嫩，唔肥又唔韌，非常高水準。菠蘿咕嚕肉，用菠蘿作器皿，有新鮮菠蘿，酸酸甜甜，非常開胃。蒜片薯仔牛柳粒，蒜片螺薯仔都，好香口，牛柳粒完全冇根又冇渣，仲好有牛味。最後加多一個竹笙羅漢齋，呢個餸味道比較清淡，可以食得出食材嘅原味，健康之選。總括嚟講，呢間酒樓除咗有小菜，仲有火鍋，海鮮亦都有唔少選擇，同朋友食飯或一家人歡聚，不錯的選擇。