御膳

Open Now

Now Closed

呢間樓上私房菜，幾條友靜靜地食下飯傾下計岩岩好。 芝士花龍蝦配脆麵 龍蝦好新鮮，肉質爽口彈牙唔霉，有鮮味，仲要啖啖龍蝦肉，加上濃濃既芝士味，食落好幸福。 避風塘炒大肉蟹 避風塘炒蟹真係唔係好多地方有得食，呢度既避風塘炒蟹好有風味，蒜炸得好香脆，而且蟹肉仍然好鮮甜，十分高質。 富瑤炒飯 炒飯炒得粒粒分明，上面仲有好多名貴既食材，例如鮑魚，瑤柱，金華火腿等等，用料扎實。 上湯浸時菜 食完咁濃味既避風塘炒蟹同埋芝士龍蝦，緊係要食返碟清清地既菜平衡一下，份量岩幾個人食。 麻辣滷水拼盤 滷水拼盤有手撕雞，金錢肚同豬大腸，全部都滷得好入味，唔算太辣，就算平時唔太食得辣既都可以試下。