月

Open Now

Now Closed

今日同一大班朋友嚟咗呢間太子嘅私房菜「月」試吓佢嘅嘢食～預咗幾日已經book咗枱，同埋睇咗啲Menu大約有咩食👍🏻炸薯條配黑松露醬 & 沙律薯條即叫即炸配埋黑松露醬勁好食🤣完全唔會出錯嘅一款小食。沙律正正常常，冇咩特別慢煮南非鮑魚配牛油肝汁鮑魚煮得勁入味，配埋佢嘅牛油肝汁真係冇得輸！香煎北海道帶子配日式麵豉汁帶子煎嘅火候控制得啱啱好，外脆內軟，配埋下面嘅炸蓮藕一硬一軟口感都幾豐富☺️法式牛油汁焗蟶子好似食緊牛油芝士海鮮咁，芝士同牛油香味好出好好食！烤美國頂級封門柳牛油嘅熟到啱啱好！外面先得香之餘內裏嘅肉質又好嫩口，牛味亦都好出，朋友都大讚好食！餐廳雖然距離地鐵站有啲遠，但老闆又好Nice咁同我哋傾偈，又可以坐好耐，大家一班人吹水👍🏻想同朋友聚會嘅話都幾推介呢一間餐廳！