大同私房菜會所

Open Now

Now Closed

今日帶朋友去食好西，黎到尖沙咀呢間「大同」一嚐私房菜成個環境好high class，好得好舒服，主打用左藍綠色，望落好舒服成個人都放鬆晒如果多朋友仲可以約埋三五知己一齊一邊食野一邊唱K，勁chill!野食方面都好高質，先黎個老火湯，飲得出用左好耐時間煲好濃郁，開一開個胃先芝士蟹蓋，一放但已經聞到勁香，滿滿既芝士混埋啲蟹肉好香口，面頭仲要烤過黎，每一啖都係享受！魚子醬炒肥腸，正如華仔話齋「攞走個磅！」，啲魚子醬落得一啲都唔孤寒，面頭滿滿一大堆，炒到啲炒腸鬼咁香乳鴿外皮酥脆，烤得岩岩好仲保留左好多肉汁，軟身又入味苦瓜炒得岩岩好，唔會太老變晒色亦唔會太生食落好苦，軟淋淋入口好甘主食有糯米飯同XO醬撈麵飯粒金黃色睇見都食指大動！最後仲有紅豆沙作結，煲到起晒沙紅豆都爛晒，比足心機勁好味！