Video
Read full review
2021-03-28
219 views
今日咁啱嚟到屯門呢一度，男朋友揀咗一間有窩夫同梳乎厘pancake食嘅小店比女朋友 - 有料案內所。連個名都好有日本感，啱晒小港女 🤣🇯🇵我哋叫咗一個窩夫 lunch set，70幾蚊包一杯飲品。另外散叫咗一個梳乎厘 pancake同蝶豆花芒果梳打。珍珠奶茶伯爵窩夫🧇窩夫好鬆軟！完全唔會硬，好食！啲cream亦都有茶香味，配埋珍珠亦都好夾。仲有少少芋圓伴碟。焦糖梳乎厘 pancake：軟綿綿而且好有蛋香 😍 有梳乎厘嘅空氣感，但係感覺好足料，唔係食緊空氣😂上網睇返，啲人話佢係用日本蛋同北海道牛乳，唔怪得味道咁香濃！佢嘅蛋香味比起日本連鎖店嗰啲更加香濃，鍾意蛋味嘅朋友值得一試！至於飲品就麻麻地，芝士奶蓋四季春味道有啲淡，冇乜芝士味，茶底亦都唔濃，可能因為我哋叫咗少甜，成杯野感覺更加淡🙈而蝶豆花芒果梳打就好飲啲嘅。不過整體來講，因為食物真係高質，都值得俾笑面 😋 而且喺屯門嚟講都算係隱世小店，值得推介 👍🏻
我哋叫咗一個窩夫 lunch set，70幾蚊包一杯飲品。另外散叫咗一個梳乎厘 pancake同蝶豆花芒果梳打。
珍珠奶茶伯爵窩夫🧇
窩夫好鬆軟！完全唔會硬，好食！啲cream亦都有茶香味，配埋珍珠亦都好夾。仲有少少芋圓伴碟。
焦糖梳乎厘 pancake：
軟綿綿而且好有蛋香 😍 有梳乎厘嘅空氣感，但係感覺好足料，唔係食緊空氣😂
上網睇返，啲人話佢係用日本蛋同北海道牛乳，唔怪得味道咁香濃！佢嘅蛋香味比起日本連鎖店嗰啲更加香濃，鍾意蛋味嘅朋友值得一試！
至於飲品就麻麻地，芝士奶蓋四季春味道有啲淡，冇乜芝士味，茶底亦都唔濃，可能因為我哋叫咗少甜，成杯野感覺更加淡🙈
而蝶豆花芒果梳打就好飲啲嘅。
不過整體來講，因為食物真係高質，都值得俾笑面 😋 而且喺屯門嚟講都算係隱世小店，值得推介 👍🏻
Post
