秋拾米線

Open Now

Now Closed

🍜5點幾經過已經坐滿曬人，俾佢哋嘅豬頸肉吸引左，一於試試佢😆 我哋嗌左慢煮豬軟骨米線，碳燒豬頸肉米線，滷水雞翼，腐乳通菜~湯底揀左小辣嘅秘制酸辣湯。酸辣適中，湯底仲配有木耳，芫茜，肉碎，花生，好豐富🤩 好鐘意佢哋嘅肉碎，醬汁香濃，撈匀落個湯度，好正👍🏻👍🏻👍🏻 豬頸肉肥瘦適中，邊位燒到焦香，入口外脆內軟，必食推介！配埋泰式酸辣醬好開胃🤤 份量仲好多，胃口細小小都食唔曬👍🏻 另加墨魚春卷，爽口彈牙~豬軟骨軟淋得嚟又有啲口感，肉質唔會散，夠入味👍🏻 另加千層豆腐，第一次見有得揀呢個配菜🤩 配埋湯汁一齊食，好滿足！呢度嘅豬頸肉係繼我係雲在線，雲川以外食過最好食嘅，以後終於可以係市區止下癮，唔使入大西北都有得食🥳🥳🥳店員仲推介蝦多士😂 可惜太飽，下次要試！