Video
Read full review
2024-01-09
127 views
荃灣廣場新開嘅一人火鍋，有時行過都見幾多人幫襯，早排有一晚好凍嘅時候試咗~共11個套餐可以揀，叫咗人氣牛肉同元氣豬肉套餐，伊比利亞梅花豬肉望落幾靚仔，唔太肥肉質爽彈有肉味，美國特選牛肩胛肉，脂肪比例少啲健康啲，但肉質幾嫩唔會鞋，兩款肉都冇加大而份量都好夠食~湯底揀咗金湯酸菜鍋同昆布柴魚鍋，好夠味唔點醬料都OK，細格嘅係養生菌菇鍋，呢個好飲，好似飲緊蘑菇湯咁，仲可以refill~樂活蔬菜盤勝在多蔬菜每樣都有啲，比較特別嘅係蛋餃同腐皮福袋，菜都好似有幾款~自助區最有印象嘅調味料係水蜜桃醋，同肉係絕配可以提升肉嘅味道，另外自助區仲有肉燥飯、出前一丁同王子麵等等可以攞，最正係可以自製一碗芋蓉芋圓仙草冰，芋圓好Q彈，同糖水舖食到嘅都好相似~飲品分別加錢叫咗大紅袍珍珠奶茶同大紅袍燕麥奶茶，呢款奶茶茶味係特別濃郁，燕麥比想像中大粒好有咬口~一人鍋嚟講，質素真係幾好，特別係肉類!! 👍👍
共11個套餐可以揀，叫咗人氣牛肉同元氣豬肉套餐，伊比利亞梅花豬肉望落幾靚仔，唔太肥肉質爽彈有肉味，美國特選牛肩胛肉，脂肪比例少啲健康啲，但肉質幾嫩唔會鞋，兩款肉都冇加大而份量都好夠食~
湯底揀咗金湯酸菜鍋同昆布柴魚鍋，好夠味唔點醬料都OK，細格嘅係養生菌菇鍋，呢個好飲，好似飲緊蘑菇湯咁，仲可以refill~
樂活蔬菜盤勝在多蔬菜每樣都有啲，比較特別嘅係蛋餃同腐皮福袋，菜都好似有幾款~
自助區最有印象嘅調味料係水蜜桃醋，同肉係絕配可以提升肉嘅味道，另外自助區仲有肉燥飯、出前一丁同王子麵等等可以攞，最正係可以自製一碗芋蓉芋圓仙草冰，芋圓好Q彈，同糖水舖食到嘅都好相似~
飲品分別加錢叫咗大紅袍珍珠奶茶同大紅袍燕麥奶茶，呢款奶茶茶味係特別濃郁，燕麥比想像中大粒好有咬口~
一人鍋嚟講，質素真係幾好，特別係肉類!! 👍👍
Post
