胡爐 (Closed)

今次真係不得不打篇文同大家介紹吓依間高質抵食半放題邊爐!! 我敢講, $238可以有依個質素嘅食材嘅火鍋店係香港應該係絕無僅有! 今日剛好早收工, 見到胡爐有早鳥優惠(原價$298), 噤就嚟試吓, 估唔到有意外驚喜! 鍋未嚟到, 先來個凍蟹做頭盤, 誠意十足. 再嚟過人蔘雞湯鍋, 係其他店散叫依個鍋起碼二百蚊以上. 個湯好香濃人蔘味, 我們二話不說, 先飲兩碗湯再開始打邊爐. 牛舌薄切, 口感一流. 和牛食得出係澳洲, 肉味濃厚. 海鮮類睇相就知道有幾吸引, 大大隻鮑魚, 桂花蚌, 帶子. 本人亦非常喜歡佢哋嘅餃類, 尤其係XO帶子餃和泰皇雲吞, 唔同一般菜肉餃噤, 已經有醬料係入面, 唔點豉油都好有味! 任食嘅食材仲多達三十款, 連昂貴食材廣島蠔都有得任食, 可想而知此店真係性價比一流, 所以極力推薦大家試吓！