皇后飯店 (Closed)

📍一直都偏愛食港式扒房，今次嚟咗間呢間扒房老牌店，環境舒服又清靜，可以食得舒服啲。夜晚除咗可以揀dinner set(可以選擇兩道菜/三道菜)，亦都可以單點。🍴餐湯有羅宋湯同忌廉粟米湯（是日餐湯）可以揀，非常有懷舊港式扒房嘅味道，尤其羅宋湯用咗好多蔬菜去熬製。餐包亦比起其他扒房嘅更加軟熟同香牛油味。🍴前菜：大蝦俄國薯仔沙律、煙三文魚沙律薯仔沙律爽脆有口感，雞蛋碎同埋沙律醬嘅比例啱啱好，面頭仲有幾隻蝦，前菜必叫！煙三文魚沙律就會比較清新，落咗少少黑醋汁會比較開胃。🍴黑椒紐西蘭牛柳牛柳叫咗5成熟，外皮真係煎到金黃色，食落會有少少香脆口感，而入面真係好嫩又好多肉汁。再加上牛柳已經有香濃嘅黑椒味，唔使落汁已經好夠味，同埋薯條灑上cajun粉又香脆有惹味！🍴燒西班牙黑毛豬扒呢個係店員嘅是日推介，黑毛豬扒同樣燒到香脆，肉質鬆化，入口完全唔覺得肥膩，配埋燒汁更加帶出豬肉香味。