Video
Read full review
2023-01-01
209 views
2022年12月20日 星期二今日早左收工，於是叫埋老婆放工之後出去銅鑼灣難得地二人世界食下飯，突然間好想食個放題，但係又唔想食返之前食過既餐廳，所以係網上面搵下有無推介，咁岩見到呢間餐廳評價唔錯，而且打電話上去仲仍然有位，可能我哋唔係繁忙時間入座既關係，於是就直接上左去入座後餐廳係用QR code落單既，夠晒方便，睇到有好多款式既食物可以揀，由於我哋既放題要左升級版，所以連刺身都多左好多選擇，但無諗到連泰式生蝦都有得食，所以我哋決定第一輪乜都叫少少先點完餐大約等咗5分鐘左右就有嘢食，呢一個係升級版先有嘅帆立貝夾海膽，師傅將大型帆立貝嘅中間切開放入海膽，冇諗過有呢一個組合，食落去有帆立貝嘅鮮味同濃郁嘅海膽味，一啲都唔腥，味道幾配合，而且賣相唔錯之後就有各類壽司，有燒蟹棒壽司、花之戀同蟹籽壽司，蟹棒好大條，食落去一梳梳，上面加咗少少沙律醬更加惹味，而花之戀就好大件，蟹籽同三文魚好配合，一啖食落去好滿足食放題當然唔少得有刺身啦，呢一個刺身拼盤真係好豐富，而且擺得好靚，裡面有齊各種刺身，包括珍寶赤蝦、三文魚、八爪魚、鮑片同貝類等等，全部都好新鮮，當中我最鍾意嘅係珍寶赤蝦，因為真係好大隻，而且
今日早左收工，於是叫埋老婆放工之後出去銅鑼灣難得地二人世界食下飯，突然間好想食個放題，但係又唔想食返之前食過既餐廳，所以係網上面搵下有無推介，咁岩見到呢間餐廳評價唔錯，而且打電話上去仲仍然有位，可能我哋唔係繁忙時間入座既關係，於是就直接上左去
入座後餐廳係用QR code落單既，夠晒方便，睇到有好多款式既食物可以揀，由於我哋既放題要左升級版，所以連刺身都多左好多選擇，但無諗到連泰式生蝦都有得食，所以我哋決定第一輪乜都叫少少先
點完餐大約等咗5分鐘左右就有嘢食，呢一個係升級版先有嘅帆立貝夾海膽，師傅將大型帆立貝嘅中間切開放入海膽，冇諗過有呢一個組合，食落去有帆立貝嘅鮮味同濃郁嘅海膽味，一啲都唔腥，味道幾配合，而且賣相唔錯
之後就有各類壽司，有燒蟹棒壽司、花之戀同蟹籽壽司，蟹棒好大條，食落去一梳梳，上面加咗少少沙律醬更加惹味，而花之戀就好大件，蟹籽同三文魚好配合，一啖食落去好滿足
食放題當然唔少得有刺身啦，呢一個刺身拼盤真係好豐富，而且擺得好靚，裡面有齊各種刺身，包括珍寶赤蝦、三文魚、八爪魚、鮑片同貝類等等，全部都好新鮮，當中我最鍾意嘅係珍寶赤蝦，因為真係好大隻，而且肉質好彈牙
跟住就試吓呢一個泰式生蝦，叫咗一碟份量都唔少，每一隻蝦上面都有泰式辣醬，食落去酸酸辣辣咁，越食越滋味，個辣度係慢慢湧上嚟嘅，愛食辣嘅人士必點
之後有生蠔拼盤，呢度只係兩個人嘅份量，每人可以食五至六隻，每一隻都好大件，蠔肉好豐滿，而且好鮮甜，點埋醬汁就更加滋味，海水味濃郁，仲要完全冇食到殼添
小食方面呢一個炸雞軟骨炸得相當唔錯，每一粒都炸到金黃色，而且有咬口，用嚟送酒一流
另外亦都推薦呢一個黃金炸豆腐，因為豆腐炸完之後裏面仍然好滑溜，仲有熱氣升出嚟添，加上外皮撒上椒鹽同黑芝麻，味道更加豐富
最後甜品方面都有唔少選擇，我就要左其中幾款，包括忌廉泡芙、焦糖燉蛋同薄荷朱古力布甸，泡芙唔算太甜，味道啱啱好，而且唔算太大舊，食完一粒都唔覺得好飽，而薄荷朱古力布甸就有好濃郁嘅薄荷味，即時令到成個口腔都好清新，同時朱古力味唔會覺得好苦，食埋甜品真係已經飽晒
Post
