Video
Read full review
2018-10-25
413 views
聽過616依個名好耐，上網見價錢都算合理，而且感覺上有d似深圳既八合里，一於黎試下睇下質素如何我地兩人八點左右到，拎完飛本身要等13個位先到 ，但好多人拎左飛走左，所以大概等左3個字就可以入座門口雖然標示左用餐時間為100分鐘，但因為我地食既時間比較夜，而且後尾都無咩人等位，所以就算過左時，店員都無趕我地走，值得一讚👍由於牛既種類較多，有唔同部位，點餐前店員都有問我地口味，推介返相應既牛部分，我地就比較鍾意d淋既部分，所以揀左滑龍尾同埋安格斯橫隔肌湯底我地揀左鴛鴦鍋，牛清湯同麻辣醬料方面，可自行出去拎，比較特別既係有鮮牛汁提供，如果覺得牛肉既肉味仍然唔夠，可以加埋鮮牛汁提升味道我地點了餐之後，食物5分鐘內已到，好快👍安格斯橫隔肌好淋，肉味濃，可照參考淥6秒，基本上已經熟滑龍尾加入雞蛋，好滑，但相對橫隔肌就無咁淋，參考食法係建議淥6秒，但個人認為6秒太生，只係蛋白熟左，如果想更熟透，建議再淥多大概10秒，咁就全熟👍紫菜響鈴炸得好脆，值得一讚👍不過就要淥得比一般響鈴耐少少娃娃菜牛肉餃有分麻辣同唔辣，餃內肉汁好濃😋另外飲品係自家制，雖然12蚊稍貴，但味道唔錯，有菊花桂圓露同洛神玫瑰茶，消滯一
我地兩人八點左右到，拎完飛本身要等13個位先到 ，但好多人拎左飛走左，所以大概等左3個字就可以入座
門口雖然標示左用餐時間為100分鐘，但因為我地食既時間比較夜，而且後尾都無咩人等位，所以就算過左時，店員都無趕我地走，值得一讚👍
由於牛既種類較多，有唔同部位，點餐前店員都有問我地口味，推介返相應既牛部分，我地就比較鍾意d淋既部分，所以揀左滑龍尾同埋安格斯橫隔肌
湯底我地揀左鴛鴦鍋，牛清湯同麻辣
醬料方面，可自行出去拎，比較特別既係有鮮牛汁提供，如果覺得牛肉既肉味仍然唔夠，可以加埋鮮牛汁提升味道
我地點了餐之後，食物5分鐘內已到，好快👍
安格斯橫隔肌好淋，肉味濃，可照參考淥6秒，基本上已經熟
滑龍尾加入雞蛋，好滑，但相對橫隔肌就無咁淋，參考食法係建議淥6秒，但個人認為6秒太生，只係蛋白熟左，如果想更熟透，建議再淥多大概10秒，咁就全熟👍
紫菜響鈴炸得好脆，值得一讚👍不過就要淥得比一般響鈴耐少少
娃娃菜
牛肉餃有分麻辣同唔辣，餃內肉汁好濃😋
另外飲品係自家制，雖然12蚊稍貴，但味道唔錯，有菊花桂圓露同洛神玫瑰茶，消滯一流👍
最後既甜品，菊花冰粉，感覺有d似桂花糕，好滑，雖然甜左少少，但感覺好清新
頭先提到因為當時夜無人等位，所以最後都可以慢慢食左兩個幾鐘😀
相對深圳八合里黎講，依度既牛肉味較濃，肉質較淋😋當然價錢比八合里高，大概每人210蚊左右，但以香港可以食到高品質既牛黎講，價錢算平👍
Post
