Video
Read full review
2019-09-18
163 views
一直想去鮨蕾，皆因佢主打既Omakase由廚師發辦，今日放早一於去試下佢～餐廳地方好闊落，近窗邊係2-4人枱，亦可以亦坐圍住廚師既Bar枱，我地選左Bar枱，可以睇下廚師製作過程～我地點左6道菜既楓Momiji，先奉上小食炸芋片，店員每道菜都會簡單介紹，唔洗我地估估下～講番個芋片，係自家製，食落一d都唔油膩，仲好香脆可口，芋頭味微微滲入口中！前菜係由山桃漬，黃金栗子🌰同日本京都著名既腐皮組成，鮮紅既山桃漬，入口酸酸地同梅子一樣，栗子夠香甜、清香撲鼻，而腐皮係凍食，配上食用菊花，夠滑之餘更加加添一份花香味～刺身今日係由新鮮鱆紅魚同拖羅做主角，一路睇住廚師係碟面上似畫畫一樣，的確係視覺上享受，奉上既時候，會聞到一陣陣柚子清香，鱆紅刺身新鮮，肉質爽口、鮮美！另外海膽拖羅油脂豐富，肥美入口即溶，兩款刺身，我都無點到豉油，只係加少少wasabi 同碟旁既醬汁入口，完全唔覺腥味，反而更突出魚刺身既鮮美～燒物係自家腌製既銀鱈魚，配上漬物紅蕎頭，銀鱈魚肉質唔會散，因為腌製過關係，入口食得出有甜甜既味道，鍾意亦可加少許沙律醬～呢道燒味好出色～壽司🍣同樣由廚師發辦，件件即製手握壽司送到你面前😋打頭陣係鎮店
餐廳地方好闊落，近窗邊係2-4人枱，亦可以亦坐圍住廚師既Bar枱，我地選左Bar枱，可以睇下廚師製作過程～
我地點左6道菜既楓Momiji，先奉上小食炸芋片，店員每道菜都會簡單介紹，唔洗我地估估下～講番個芋片，係自家製，食落一d都唔油膩，仲好香脆可口，芋頭味微微滲入口中！
前菜係由山桃漬，黃金栗子🌰同日本京都著名既腐皮組成，鮮紅既山桃漬，入口酸酸地同梅子一樣，栗子夠香甜、清香撲鼻，而腐皮係凍食，配上食用菊花，夠滑之餘更加加添一份花香味～
刺身今日係由新鮮鱆紅魚同拖羅做主角，一路睇住廚師係碟面上似畫畫一樣，的確係視覺上享受，奉上既時候，會聞到一陣陣柚子清香，鱆紅刺身新鮮，肉質爽口、鮮美！另外海膽拖羅油脂豐富，肥美入口即溶，兩款刺身，我都無點到豉油，只係加少少wasabi 同碟旁既醬汁入口，完全唔覺腥味，反而更突出魚刺身既鮮美～
燒物係自家腌製既銀鱈魚，配上漬物紅蕎頭，銀鱈魚肉質唔會散，因為腌製過關係，入口食得出有甜甜既味道，鍾意亦可加少許沙律醬～呢道燒味好出色～
壽司🍣同樣由廚師發辦，件件即製手握壽司送到你面前😋
打頭陣係鎮店鯛魚壽司，配上紫蘇蘇同梅醬，肉質鮮嫩結實，油份較少，更加爽口，配上紫蘇葉入口陣陣獨有香味～
季節性秋刀魚，魚面燒左一燒，再加上蔥沖，燒一燒令魚味更突出更香，不過呢款有微微腥味～
海膽壽司，紫菜極脆，海膽新鮮，入口鮮甜，味道齒頰留香！
牡丹蝦壽司～
吞拿魚用醬油腌左幾分鐘，肉質更加滑，顏色深紅，入口的確嫩滑無比～
店鋪特色壽司之一熟成拖羅，配上紫蘇花，入口極快溶化，味蕾一大享受～
玉子壽司，睇黎好似海綿蛋糕，好鬆軟，入口巳經食左微微既銜尾，加有少許鮮甜，咁鬆軟原來入面係由魚同蝦打成膠再拎去局，而且無加任何麵粉，好意外驚喜，出色之作！
麵豉湯加入魚湯調製而成，味道唔單單只有鹹味更有濃郁既魚香味，加有蜆肉，更加鮮甜！
最後由靜崗蜜瓜同晴王堤子作結尾！
廚師司傅會跟隨我地食用既速度上菜，大家有傾有講，亦會每道菜講解，好似加上紫蘇葉既用途，點令道菜味道更突出，令食物提高質素，更突出本物味道的確係一門學問，今晚除左食亦學左唔少～
會不停更換暖毛巾作抹手之用，凍左既茶亦會即時換上新一杯，非常貼心～繁忙工作後想好好地享受晚餐，鮨蕾的確係唔錯選擇～埋單登記App做會員即時有95折，仲有儲積分優惠架
Post
