花木日本料理 (Closed)

周六跟朋友行完山，朋友建意食高級日式料理。不過大家都想找個傾下計地方靜下來，閒聊幾句。又想食完後去酒吧，所以搵咗尖沙咀天文台道附近的花木。到達餐廳都係好早時間，人唔多可能大廈是新開，主打高級野。餐廳裝修唔錯同埋算寬躺。以日式為主可以住入房可以有唔同選擇。餐廳以高質用料為招徠，味道都以食材鮮味為主，侍應哥哥耐心講解同提出建議，好細心，算唔錯，佢提議我哋食個新爽沙律🥗，大根沙律，清而不辣，想不到廚師用了什麼方法整到無晒羅白嘅辛辣味，反而只有清爽味道。再加上香蒜同醋，十分開胃嘅沙律。跟著就係米通配碎吞拿魚。本以為米通會好油，但一點油膩都沒有，只有米香同脆卜卜再配上清新魚蓉加蔥花十分配襯。之後再上個小小嘅熱盤，日本元柱炒野菌。元柱鮮甜，跟野菇好夾。再來刺身拼盤，池魚三文魚油金魚吞拿魚。又新鮮，食得到的鮮味。最後係主菜大蝦天婦羅🍤烏冬。完美結局。都同朋友傾得暢快開懷。