Video
Read full review
2015-03-06
547 views
為左慶祝升職，朋友今日特登帶筆者黎旺角兆萬食韓燒。聽到兆萬難免有啲怯怯地，始終之前都試過唔少中伏經歷，但BBQ7080卻令人完全改觀！顧名思義，呢度係70年代的韓風音樂，配80年代的裝潢，風格特別，但設備卻非常摩登：每張枱都有有一台伸縮抽油煙管，食客唔怕油煙薰鼻亦唔會令頭髮衣服令被薰到。另外每張櫈都非常特別，沙發櫈pan係可揭起的，下面係可以安放手袋衣物的圓筒，大家唔洗驚拎住一二袋會麻煩，亦都唔洗擔心衣物有燒烤味，呢個設計省位方便，正！餐廳提供的調味醬汁配料，特別推介左上麵豉醬，非常美味。前菜豆腐軟硬適中，適合大家係大食一番前打底。烤牛排骨(調味)$198/350g高度推薦！呢個係一卷牛排肉，中間包住一舊骨，建議燒的時間唔洗太耐，不停前後翻揭可以保持肉質鮮嫩，保留肉汁，如果食開medium的朋友不妨試下每三至五秒翻一翻，大約六七次前後燒到啡色就食得！調味過的牛排骨好惹味，有好香的牛味，因為我地偏好嫩身，所以食落好幼滑，以生菜包住黎食更加能食到爽脆中的鮮嫩，菜邊更會沾上滴滴肉汁添！烤牛肋骨肉$128/150g呢個牛肉味更重，肉質厚實又有分量，食落口感豐富，最啱切到一塊塊食。燒的時間因人而
聽到兆萬難免有啲怯怯地，始終之前都試過唔少中伏經歷，但BBQ7080卻令人完全改觀！
顧名思義，呢度係70年代的韓風音樂，配80年代的裝潢，風格特別，但設備卻非常摩登：每張枱都有有一台伸縮抽油煙管，食客唔怕油煙薰鼻亦唔會令頭髮衣服令被薰到。
另外每張櫈都非常特別，沙發櫈pan係可揭起的，下面係可以安放手袋衣物的圓筒，大家唔洗驚拎住一二袋會麻煩，亦都唔洗擔心衣物有燒烤味，呢個設計省位方便，正！
餐廳提供的調味醬汁配料，特別推介左上麵豉醬，非常美味。
前菜豆腐軟硬適中，適合大家係大食一番前打底。
烤牛排骨(調味)$198/350g
高度推薦！呢個係一卷牛排肉，中間包住一舊骨，建議燒的時間唔洗太耐，不停前後翻揭可以保持肉質鮮嫩，保留肉汁，如果食開medium的朋友不妨試下每三至五秒翻一翻，大約六七次前後燒到啡色就食得！調味過的牛排骨好惹味，有好香的牛味，因為我地偏好嫩身，所以食落好幼滑，以生菜包住黎食更加能食到爽脆中的鮮嫩，菜邊更會沾上滴滴肉汁添！
烤牛肋骨肉$128/150g
呢個牛肉味更重，肉質厚實又有分量，食落口感豐富，最啱切到一塊塊食。燒的時間因人而異，筆者就覺得燒耐啲更好食，仲可以包埋泡菜，食既時候鹹中帶酸辣，肉汁在口腔左右溢出，口感真係好正。烤干貝$158/6pcs
干貝係連同錫紙一齊烤，海鮮烤的時間雖然較長，但呢個時候剛好讓大家的胃休息下，八至十分鐘其實已經烤得七七八八，筷子夾起時干貝仍然大大舊，實在真材實料！咬落非常滑嫩，毫不鞋口，中間更似啫喱般，食落滑身，$2x粒絕對係物有所值！
烤韓國生蠔$78/4pcs
本來抱著平平地叫黎食下的心態，出乎意料地呢度的生蠔好新鮮，生蠔鮮嫩，食落好fresh，而且烤過後都唔算細粒，沾上檸檬汁後鮮味更出，值得一試。烤五花腩$98/150g
脂肪層好滑，表層belly位置更是滑滑的啫喱般，熱愛五花腩的朋友一定會迷上。鍾意食燒肉的朋友建議可以剪成一塊塊後，燒匀前後左右四面，時間耐少少都唔怕，因為皮滑肉脆的口流真係一流。至於飲品方面，筆者認為呢度既Makokli cocktail係必試，makokli米酒係味道較淡的cocktail, soju燒酒味道就濃啲。
試了柚子蜜makokli($118-500ml),味道好Match, 而且淡淡地配合肉味重的這頓韓燒，在中間為食客取了個完美的平衡。結帳時更會送上牙簽和薄菏糖，非常貼心。
特別一提，呢度的職員非常值得加分:1. 在場所有職員都笑容可掬，service令人感覺很welcome很溫暖。
2. 大家食韓燒的經驗相信都係自己燒，燒爐大多焦就人換；
呢度就特別啲，職員們會不斷輪流走黎幫你燒，你唔洗擔心又要食又要燒會顧此失彼，因為係你食完碟上的食物前，職員已經為你燒好下一份美食。
燒爐方面，佢地更會每燒兩三底就幫你換一次，有時候筆者覺得其實都仲好乾淨，但佢地已經會為你換上新的，服務和衛生實在非常好。
3. 呢間韓燒非常韓式，因為真係有韓國同事，但能操廣東話，令朋友們倍感興奮！
4. 職員侍應們大部分係年青人，所以令人感覺好有活力同生氣，而且敏感度非常高，只要接上眼神就為你服務，有種賓至如歸的感覺，非常滿意。
Post
