Vegmind

Open Now

Now Closed

個人較少食素，因為經常覺得食素唔飽，而且無乜選擇，不過有日同事約食lunch，午飯時間帶左我去Vegmind，令我有所改觀，覺得素食cafe都可以係一個同朋友相聚既好地方。Vegmind係一間以白色為主、外面睇以為好細，但入到去門口有兩邊既座位，唔洗等，立即可以入座，入到去發現天花掛滿月亮燈，幾靚幾有feel。打開餐牌同一般cafe差唔多，有意粉、有risotto，但今次竟然有煲仔飯。我就被漢堡包同薯條吸引。份量比想像中多，有湯、有沙拉、有麵包。加廿幾蚊可以叫花茶、咖啡。侍應態度友善，唔洗主動叫就連埋茄汁上菜。幫手refill水時，發現餐廳既水係浸住紅蘿蔔既，通常見浸住檸檬就多。呢間店喺角落，位置安靜，邊食邊傾幾舒服，唔會有比人趕既感覺。埋單時最驚喜係發現唔洗加一。