SOW

Open Now

Now Closed

雖然喺OpenRice見人講係酒吧小店，不過👩🏻覺得餐廳整體有種高級感，好啱情侶約會。✨脆炸新鮮猴頭菇，檸檬蜜糖汁 $118店員推介，話呢款係最多人叫嘅tapas。猴頭菇酥脆多汁，唔蘸汁更加食到佢淡淡嘅菇菌香。雖然有啲素食餐廳都食到（素沙拉骨/素咕嚕肉），但我鐘意呢度嘅做法，乾爽香脆，又唔會配個好heavy嘅汁。✨黃金單骨雞翼 $128雞翼勁多汁而且完全冇雪味。每件都蘸滿香濃起沙嘅鹹蛋黃汁。醬汁比起其他地方食到嘅更幼滑同惹味。✨酥皮粟米濃湯 $108酥皮唔會太厚，焗得香脆。熱辣辣而且幼滑香甜，超級有comfort food嘅感覺。✨炸子鵪鶉，海鮮醬 $328估唔到唔係炸子雞嗰種做法，而係日式吉列。鵪鶉肉肉質彈牙。麵衣鎖住咗鵪鶉嘅肉汁。估唔到炸嘢配海鮮醬（甜醬）都好夾。✨太平洋紅蝦，海鮮汁，蒜香辣椒扁意粉 $188冇諗過一碟有三大隻紅蝦，味道鮮甜，蝦頭特別濃。扁意粉除咗有蒜香同少少辣味，仲有蝦油香，鮮味十足。