藏 (Closed)

昨日妹妹請我來銅鑼灣KURA吃慶生飯，整個過程，感覺良好，食物很新鮮，環境很優雅，服務亦好貼心。我哋選咗同一款，接近一千蚊嘅Omakase, 亦選擇了坐近吧檯前，睇住廚師將一份一份好新鮮嘅壽司刺身端到我哋面前，細細聲介紹返壽司刺身嘅名堂。當中包括北海道鮑魚，甘鱸鯛壽司，好肥美嘅拖羅，帆立貝，海螺刺身，爆羔蝦壽司，中拖羅壽司，完美嘅海膽壽司，我特別留意到廚師哥哥喺海膽上邊刨咗少少柚子皮，將整件好新鮮嘅海膽壽司鮮味層次提升到更高境界。還有入口即溶嘅頂級和牛，油花恰到好處。仲有煎得好香甜美味juicy嘅鵝肝。一共吃了多款刺身壽司之後，臨尾嚟一個濃海鮮麵豉湯，最後甜品係一口濃厚芝士蛋糕和清甜蜜瓜。整個過程中，廚師哥哥一路留意住我哋進食嘅速度，每一次都係時間啱啱好，當我哋清空碟上美食，佢就不偏不倚接住送上下一道美食上來。週邊嘅服務人員亦都好貼心，不停幫我哋加添熱茶。偶然廚師哥哥會同我哋講下笑，不經不覺，接近兩小時嘅午餐就喺咁愉快嘅氣氛之下finish。實在係超開心，值得推薦。臨走嘅時候我哋仲留意到KURA入口掛咗一幅大概一米乘一米嘅叮噹掛畫，原來係1000張限量版，左下角仲有藤子不二雄嘅親筆簽名