尚夢・茳煳 (Closed)

燉湯有個小火爐保持熱度，冬日下飲到一碗熱辣辣嘅湯真係一大樂事。燉湯味道清爽，但唔會用淡黎形容，因為細細品味就會食到材料嘅鹹香。今日最鍾意嘅菜式就係宮廷香烤骨，上枱時香氣撲鼻，食落入口即化，齒頰留香，個陣肉香久久停留喺口腔之中。美極香煎龍躉球有著金黃色嘅外皮，魚肉飽滿，啖啖魚。美極輕輕帶出魚嘅鮮味，味道又提升一個層次。人生第一次食鹹蛋黃炒飯！見到茳煳炒飯以舖頭黎命名，心諗一定係招牌菜。味道都冇令我失望，每一啖都有鹹蛋黃既香氣。而且份量多，特登打包返去做我今晚豐富嘅宵夜。糯米糍以奶黃做餡料，但又唔會死甜👍🏻