NINETYs (形點 I)

Open Now

Now Closed

焞和牛面頰肉：面頰肉每塊都厚厚的，有6大塊，份量十足。牛肉焞得又軟又淋，感覺好滿滿骨膠原。薯蓉幾滑幾creamy ，混有細蔥碎及少少薯仔粒有口感。伴碟除左新鮮嘅沙律菜還有提子酸酸甜甜好清新。燒魂飯：大大碗飯，上面有鋪滿叉燒同沙律菜，食物菜肉均衡有營養。鍾意叉燒偏瘦，呢度嘅就啱晒我口味。叉燒沾上甜甜醬油，燒得表面焦香，唔乾有口感。日本米粒粒飽滿，配上蘭王蛋拌飯，蛋汁同甜醬汁令米飯更香更黏糯。Cappuccino：有張卡仔提供咖啡豆資料，感覺好專業好用心。咖啡叫咗fruity ，聞落幾香，飲落唔苦好順口，拉花又靚，伴有幾粒杏仁。店舖座位唔算多，但坐落唔迫幾舒服。檯上放嘅飲用水瓶內有備長炭，感覺有誠意有心思。