碗盛 (Closed)

朋友推薦我先知小區有間環境同食物質素都唔錯嘅居酒屋😆👍🏻多人用膳嘅話仲有榻榻米房選擇真係好有日本旅行feel😍講起點菜 店員落單時好親切問我哋飲食口味 再相應推介有咩美食必試😌-📌明太子雞肉串$32明太子嘅鹹香配雞肉好夾 店員話用上日本雞肉 食落都特別嫩滑☺️📌雞中翼$28外層燒得好香脆 調味適中📌厚燒牛舌$58必點嘅串燒之一📌煙肉車厘茄$38食落有驚喜嘅串燒款式 外脆內juicy 食嘅時候要小心車厘茄爆汁會好熱📌燒白饍$68魚皮脆 肉嫩😋我同友人都推薦📌串燒豆腐 $28另一驚喜串燒 外層烤得好香脆 內裡豆腐仍然嫩滑 如果掃多少少醬汁去燒豆腐效果更好 因為豆腐本身味淡📌麻醬棒棒雞沙律 $68開胃沙律之選👍🏻👍🏻📌芝士年糕$22外脆內軟糯😋😋📌吉列珍寶蠔$58炸得香脆而唔覺得油膩 配埋醬汁（大阪燒醬嘅味道）效果都唔錯😆📌餃子$48冰花餃子🥟配蛋黃醬原來都唔差📌叉燒拉麵$88拉麵配上濃郁嘅豚骨魚介湯叉燒肉質比較肥美 而且炙燒過帶一點焦香減低油膩感 另外要讚溏心蛋賣相💯同時內外滷得好入味 同湯底好夾特別推薦：中意食辣嘅朋友仔可以加埋個醃菜 少許辣味更能帶出湯底嘅鮮味 會令人一口接一口咁食🤣🤣🤣