Video
Read full review
2025-01-05
363 views
成日經過見到呢間Cafe好多人排隊，心思思想試好耐，上網見啲人話pancake好出名，於是乎今晚又偷懶，唔煮飯同老公過去試吓 😋Chicken & Cheese Quesadilla墨西哥薄餅夾住Mozzarella 芝士同埋雞肉，加埋酸忌廉同埋牛油果醬一齊食，清新又開胃 😋Black Truffle Cheese Chips薯條炸得超香脆！而且佢嘅黑松露芝士醬超級多，一直食到尾都可以每一條點到滿滿嘅芝士醬，勁香口 😍Pulled Pork Lasagna Roll呢個真係超足料 🤤 大大啖勁厚肉嘅慢煮手撕豬肉酸酸甜甜又多汁，配埋超級多嘅芝士，每一啖千層麵都食到勁多料，重量級好味之選 🤩Sea Urchin & Scallop Linguine帶子同埋海膽都勁鮮甜，而且個汁好香好Creamy，意粉煮得剛剛好每一啖都好掛汁，鍾意食海鮮嘅一定要試吓 😍Earl Grey Pancake厚pancake超級鬆軟，我坐嗰個位可以睇到廚房出pancake，件件都超厚超厚超彈手 🤤 啖啖都充滿蛋嘅香味，而且個 earl grey 得來唔會好甜，配埋無花果碎同埋果仁脆餅，唔怪之得每檯都叫一碟啦，真心
Chicken & Cheese Quesadilla
墨西哥薄餅夾住Mozzarella 芝士同埋雞肉，加埋酸忌廉同埋牛油果醬一齊食，清新又開胃 😋
Black Truffle Cheese Chips
薯條炸得超香脆！而且佢嘅黑松露芝士醬超級多，一直食到尾都可以每一條點到滿滿嘅芝士醬，勁香口 😍
Pulled Pork Lasagna Roll
呢個真係超足料 🤤 大大啖勁厚肉嘅慢煮手撕豬肉酸酸甜甜又多汁，配埋超級多嘅芝士，每一啖千層麵都食到勁多料，重量級好味之選 🤩
Sea Urchin & Scallop Linguine
帶子同埋海膽都勁鮮甜，而且個汁好香好Creamy，意粉煮得剛剛好每一啖都好掛汁，鍾意食海鮮嘅一定要試吓 😍
Earl Grey Pancake
厚pancake超級鬆軟，我坐嗰個位可以睇到廚房出pancake，件件都超厚超厚超彈手 🤤 啖啖都充滿蛋嘅香味，而且個 earl grey 得來唔會好甜，配埋無花果碎同埋果仁脆餅，唔怪之得每檯都叫一碟啦，真心 signature 推介！🫶🏻
侍應都好細心，因為pancake製作需時，所以佢都提醒我哋後上嘅時候要咁上下同佢哋講返，咁我哋就唔使等咁耐，而佢見我哋主菜食到差唔多都會主動問我哋要唔要準備定甜品先，非常之貼心 👍🏻
Post
