Peko Peko Eatery (海之戀商場)

Open Now

Now Closed

餐廳位於海之戀商場，以木系白灰為主調，走日式簡約小清身風，提供多款西日fusion菜式～ 呢度設有室內同戶外位置可以望住個靚靚海景食飯😆 座位之間亦有適當距離，令人感覺舒適👍🏻前菜有roasted pumpkin chicken salad同love strawberry，前者以南瓜、雞胸、紅菜頭、菲達芝士同鼠尾草混合而成，味道清身，健康又飽肚、後者就比較似係生果盤，草莓、無花果同藍莓食落酸甜，感覺開胃，配上新鮮嘅沙津菜都幾match～ 主菜方面就叫咗個經典嘅carbonara，估唔到超有驚喜！上枱時熱辣辣，散發著香濃嘅蛋黃芝士味，未食已經流晒口水🥺 意粉爽彈，入口順滑，掛汁得嚟又唔膩，配埋煙肉、溫泉蛋、芝士等材料，一個字正！另外私心推介烤peko素菜花園，五顏六色，賣相一流，入面有滿滿嘅椰菜花、甘筍同蘆筍，牛油香氣十足，蔬菜軟腍又入味，呢個份量足以四個人食，會話性價比超級無敵高👍🏻 最後以兩款甜品作結，焦糖燉蛋嘅蛋糕版本比較少見，口感香滑，帶點焦香味，甜度適中、而自家製gelato上面仲放咗個雪糕痛小食做點綴添🤣