Amber’s Table

Open Now

Now Closed

經過黃埔呢間西餐廳，見到入面裝修得幾靚，價錢唔算太貴，就入去試吓。麵包配意大利黑醋，麵包焗到外脆內軟，點埋開胃嘅黑醋，好夾。焗牛骨髓 - 牛骨髓好甘香，上面仲有大量肉碎，好惹味，配埋吐司一齊食，可以食落冇咁油膩，呢個菜式幾特別燒德國鹹豬手配酸椰菜薯蓉，豬皮整得非常出色，食落個皮脆卜卜但又有少少煙韌嘅感覺，好正，d肉味道啱啱好，唔會太咸，而d薯蓉好滑，好香牛油味。煙肉眼排9安士 - 牛排係用個爐熱住，可以控制牛排嘅生熟程度，牛排食落好juicy,好淋,有煙燻味好香，一d都唔韌，加上香草牛油嘅香味，仲有配其他醬，令牛排嘅味道提升唔少。仲跟埋薯條，炸到脆卜卜熱辣辣，好好味。梳乎厘，好巨型嘅甜品，成把餐刀咁大，一切開裏面嘅蛋香飄出黎，食落好creamy,,好濕潤軟淋淋，最驚喜食到最底層係有層布丁，非常滿足。荔枝菠蘿沙冰，飲落好fresh嘅荔枝同菠蘿香味，甜甜酸酸，好消暑。綿花糖朱古力奶昔，真係好吸睛，上面勁多唔同種類嘅綿花糖，而d奶昔飲落好香滑，朱古力味都好特出。