Deer Kitchen (The Wave) (Closed)

開業以來幫襯過幾次，西餐來說觀塘依間確係幾好食，地點方便放工約朋友晚飯，都係合適之選。焗明太子蟹肉酥盒 $118酥皮好鬆化酥脆，塞滿鮮味蟹肉和咸香明太子，一啖一件滋味滿足。黃金特式單雞翼 $80雞翼外皮炸得香脆，撈左鹹蛋黃，惹味香口，配搭跟本就無得輸。香濃芝士煙斗粉 $128煙斗粉口感嚼勁煙韌，通心關係更加掛汁，個汁好creamy充滿芝士味，加了煙肉和芝士碎，令整體口感更立體，都幾好食。秘制大蝦天使麵 $140主角新鮮大蝦爽口彈牙，天使麵份量相當多，以蕃茄醬底味道酸辣惹味，混入蝦乾碎充滿咸香味道，而且麵幼好掛汁，每啖都咁好味。Woodland $68依杯淡淡蜜桃味，入口酸甜散發果香。Rainforest $68賣相非常討好，面層撒上玫瑰花碎，好呃LIKE。成份桃、蕃石榴、菠蘿汁，味道偏甜果味濃。