Forkers (Moved) New Location

今日去開土瓜灣，聽朋友介紹話呢間西餐唔錯就嚟咗試吓啦。食完之後真係值得推介。我同朋友兩個人比較遲先食，所以兩個人坐左一張四人枱，坐得舒服之餘仲可以多位擺嘢食。整體來講都坐得幾舒服。係侍應介紹下，我同朋友叫咗西班牙黑毛火腿係侍應介紹下，我同朋友叫咗西班牙黑毛火腿及肉腸，檸檬雞湯，加拿大豬胺排，油封鴨髀，同埋另外有跟黑松露薯條。先講下頭盤，火腿同埋肉腸都食得出好香油脂味，另外仲有多蒜到拿嘴嘅蒜蓉包。兩樣配埋一齊食真係非常夾，因為兩樣分開各自食會覺得比較濃味。一齊食嘅話大家會中和左味道，比較易入口。跟住到個湯，侍應介紹咗俾我哋聽原來個湯係希臘嘅餐湯，飲洛口會飲得出有creamy嘅感覺但其實冇離落過忌廉，呢樣覺得好新奇。跟住到兩樣主食，豬胺非常好味，口感絕對非常好，食落口仲要有好多肉汁，真係值得一試。跟住到油封鴨髀，侍應介紹過話呢個係佢哋嘅改良版，識落唔會好似正式油封鴨髀咁鹹，而係冇用咁多鹽之下仲做到啲肉一絲絲咁離哂骨，正。薯條冇食太多，不過都食得出好重黑松露味，而佢唔係用醬汁，你真係用黑松露直接沈喺薯條。