Lockeroom Dining (朗晴坊) (Closed)

炭烤美國SRF牛肋排配蜜糖燒肉汁$198set dinner都配有沙律是日餐湯同蒜香牛油法包，主菜未到之前都可以先品嚐新鮮爽脆嘅沙律同外脆內軟嘅法包，餐湯係南瓜湯，又甜又滑。牛肋排份量十足，肥瘦均勻，食落甘香有嚼勁得嚟又唔會韌，肉汁豐富，油而不膩。蜜糖燒肉汁香甜可口惹味，將肉味提升。法國野菌鮑魚雞肉香草醬意大利燴飯$178一上枱就見到大大隻鮮鮑魚喺飯上面，燴飯配料有三色椒，洋蔥，雞肉同野菌，醬汁濃而不稠，非常creamy，香草醬同菇菌嘅香味，令成個飯都好fresh，配上鬆軟嘅飯，好易入口。水牛城雞翼$88鮮紅誘人嘅紅色，係酸酸辣辣嘅醬汁，好開胃。雞翼外皮脆口，肉質嫩滑，口感味道都超讚。叫set dinner仲可以5折食到咁正嘅小食。