拉麵Jo (Closed)

今晚近近地同老公行咗上去YOHO食晚飯，環繞一周之後老公話想食拉麵，我哋就揀咗呢間日本菜試下～大型商場嚟講呢個晚市二人餐真心抵🫶🏻❤️特製低溫叉燒麵成個碗邊都係鋪住粉嫩嘅叉燒，淨係賣相已經好得👍👍叉燒肉質軟嫩，個湯底係醬油豚骨味，濃郁得黎唔會油膩亦都唔會太鹹😋拉麵偏幼身，口感彈牙～⭐️鰻魚牛肉虎蝦天婦羅丼呢個丼有咁多款配料啱晒貪心嘅我😆鰻魚偏薄但燒得幾香，虎蝦外脆內爽口，牛肉正常，仲有兩粒溏心蛋，真係超豐富👍（但飯量偏多，如果配料份量都可以多啲就更好😬）❤️鐵板安格斯牛扒鐵板煎好香口，肉質幾腍剛上檯果陣中間係呈粉紅色，但係個鐵板太熱我哋遲左一陣夾已經太熟🙈 建議大家一上菜就要夾起，應該會好食好多😂❤️蝦餃子超級真材實料！😮 有大大隻爽口嘅蝦肉同豬肉，口感超豐富👍👍餃子皮夠薄，我本身唔係特別鍾意食餃子都覺得好好食😍呢間拉麵絕對係YOHO甚至乎成個元朗一個幾好嘅選擇🤓#元朗美食 #拉麵jo #ramen #ramenjo #yohomall #yuenlong #元朗餐廳 #元朗形點 #形點餐廳 #慢煮叉燒 #叉燒拉麵 #天婦羅 #拉麵推介