鮮一夜火鍋 (Closed)

講起打邊爐一定要黎荃灣嘅大鴻輝中心，入邊有好多間唔同嘅打邊爐鋪頭~今次就比呢間鮮一夜火鍋吸引左佢嘅一夜皇御套餐好吸引除咗打邊爐之外，一開始竟然有紅燒花膠翅跟住又有鮑魚仲有刺身拼盤跟住仲有個奇味雞煲食哂先開始打邊爐，好豐富呀真係，不過食完都已經有少少飽到食完一開始嘅嘢食之後就可以叫湯底打邊爐，有好多唔同嘅湯底都唔需要加錢而且仲送呢個海鮮拼盤同埋安格斯肥牛添，海鮮拼盤勁多嘢食啊有好多唔同種類嘅海鮮，全部都好新鮮。個牛都好正，肥瘦均勻，可惜一人只係得兩塊另外當然亦都有好多唔同嘅配料任叫啦特別正嘅有三文魚骨，脆肉鯇等等都係要嘅都係任叫嘅嘢，其他配料好似丸都非常之正當然仲有唔同種類嘅野飲任飲啦，好似汽水仲有自製涼茶等等仲有任食嘅雪糕添呢到地方新淨好適合一班朋友嚟傾計食嘢，一定食到好飽好滿足。不過美中不足嘅就係店員嘅態度比想像中差，拎野食嚟嘅時候粒聲都唔出大大力就放低左，仲倒瀉左啲醬汁，不過都無阻我地享用美食~希望會有所改進啦