Video
Read full review
2018-12-30
4532 views
13:00放飯時間到，等左24分鐘坐低。Order左豬軟骨野菜咖哩飯，因為係門口果陣已經問定要食咩，所以好快就有得食啦野菜脆肉瓜4片、西蘭花1、椰菜花1、西芹3小片 ：全部都爽脆豆角2條 ：有豆角原味薯條2條半 ：煮得唔夠耐，唔夠粉；芯有少少生，中意食薯仔既我有啲失望紅蘿蔔3條：鮮甜之餘保留到爽脆，雖然唔係煮得好耐，但完全冇紅蘿蔔果浸味（我本身因為浸味，唔太中意食紅蘿蔔）好驚喜！幾好食~蕃薯南瓜粟米生姜飯飯係珍珠米，煮得乾身，唔會太黏。軟硬適中，帶少少煙韌，如果可以再煙韌啲就更好啦！飯入面加左蕃薯、南瓜、粟米、生姜令成件事變得養生、健康左食到有少少姜味，都揾到有姜絲；粟米增加飯既口感、層次；蕃薯同南瓜就食唔出，不過佢地既存在令飯變得金黃，顏色更吸引主角豬軟骨有成五舊，份量十足！有兩舊係全瘦，肉質硬實，食到一絲絲既肉，唔會韌或難咬。其餘三舊帶膠質，無論口感定味道都好正豬軟骨煮到軟骨既部份變成膠質，食落有啲似肥膏、會漿口；肉質軟淋入味，連埋膠質既部份一齊食，超滿足！滿口膠原蛋白既感覺，連平時唔食肥膏（因為唔中意肥膏口感既我都一啖接一啖咁ko左啲豬軟骨）😆食完帶膠質既豬軟骨好似明白點解咁多人
13:00放飯時間到，等左24分鐘坐低。
Order左豬軟骨野菜咖哩飯，因為係門口果陣已經問定要食咩，所以好快就有得食啦
豬軟骨野菜咖哩飯
$69
115 views
0 likes
0 comments
野菜
脆肉瓜4片、西蘭花1、椰菜花1、西芹3小片 ：全部都爽脆
豆角2條 ：有豆角原味
薯條2條半 ：煮得唔夠耐，唔夠粉；芯有少少生，中意食薯仔既我有啲失望
紅蘿蔔3條：鮮甜之餘保留到爽脆，雖然唔係煮得好耐，但完全冇紅蘿蔔果浸味（我本身因為浸味，唔太中意食紅蘿蔔）好驚喜！幾好食~
蕃薯南瓜粟米生姜飯
飯係珍珠米，煮得乾身，唔會太黏。
軟硬適中，帶少少煙韌，如果可以再煙韌啲就更好啦！
飯入面加左蕃薯、南瓜、粟米、生姜令成件事變得養生、健康左
食到有少少姜味，都揾到有姜絲；
粟米增加飯既口感、層次；
蕃薯同南瓜就食唔出，不過佢地既存在令飯變得金黃，顏色更吸引
主角豬軟骨有成五舊，份量十足！
有兩舊係全瘦，肉質硬實，食到一絲絲既肉，唔會韌或難咬。
其餘三舊帶膠質，無論口感定味道都好正
豬軟骨煮到軟骨既部份變成膠質，食落有啲似肥膏、會漿口；肉質軟淋入味，連埋膠質既部份一齊食，超滿足！滿口膠原蛋白既感覺，連平時唔食肥膏（因為唔中意肥膏口感既我都一啖接一啖咁ko左啲豬軟骨）😆
食完帶膠質既豬軟骨好似明白點解咁多人排隊都要食啦～
咖哩汁偏甜帶微辣，甚至係冇咩辣味。味道普通、冇咩特別。係門口排隊果種聞到浸咖哩味有啲似日本居酒屋既味道，原本想過隔離食米線算（唔洗排隊😂）但都因為哩浸味而乖乖地留低、繼續排～
整體而言，豬軟骨正！咖哩就冇咩特別。
非常欣賞食物夠熱，影完相、食到一半都仲出緊煙；而且食材處理得好好，所有野菜都係爽脆，完全保留到食物本身既鮮甜👍🏻連飯既製作都加入左幾種粗糧，可見其用心。
份量睇落唔會覺得好多，但食完會好飽！一個飯$69，價錢未算平，不過味道唔錯，份量又夠多，性價比都可以算中高既
米芝蓮小店，製作用心，值得一試！
Post
