茶木‧台式休閒餐廳 (Closed)

醬燒豬軟骨麵($73)-豬軟骨真係好好食，而且仲有三大塊，又唔會太肥，面嘅質感更加係冇得輸，湯汁味極濃，強力推薦！溏心蛋肉躁飯($73)-配菜有青瓜同酸菜，肉躁嘅份量都好多，而溏心蛋係我食過最好食嘅溏心，但唔知點解係凍嘅。抹茶紅豆黑糖蜜糖磚塊($90)-上面有一個抹茶雪糕同埋小小水中，雪糕再加蜜糖麵包磚，冰火交溶真係好出色，再加埋小小cream同埋黑糖紅豆真係無得輸。薏米紅豆水(+$0)-唔會太甜，所以都幾健康，但得凍。黑糖珍珠紅豆奶茶(+$9)-單點一杯要$41，如果唔係跟餐一定唔會點，但冇諗到原來黑糖珍珠加紅豆都幾夾，可以一試。