Video
Read full review
2017-07-29
546 views
是日黎到禾輋搵食，發現商場翻新之後多左好多新餐廳想當年係附近讀書，最大飯堂仍然係街市平靚正燒味飯、酒樓外賣兩餸飯、煎釀三寶加豆腐花，估唔到而家仲有越泰野食添！漁樂裝修走型格復古路線，木製牆壁綴以三兩霓虹招牌，主題格調呼之欲出。餐牌食物種類豐富，有越南小食，亦有泰國炒粉麵飯，小食小炒通通不缺，最後我和友人叫了兩個主菜一個小食share。小食就係呢個芝士焗野菌！唔好睇佢缽仔細細，其實好足料！有幾種不同菌類，加上一層焗到金黃色既極厚芝士，一啖食落口大滿足怕太膩既友人就灑左幾滴青檸汁係面，仲帶出多一層風味添~好快就比我地掃晒啦~呢個金邊粉分量唔細，一個人食既話應該會有d多，好彩我地今次兩個人黎食除左配料豐富，佢個汁炒起黎都係好泰國既味道，唔會太辣，甜甜地，仲有好香既羅勒同香茅味！我地兩個一見到餐牌上有小椰菜就二話不說落左單因為出面真係好少有得食，自己買黎煮都唔平，有得食當然要試下佢~而呢碟餸都無令我地失望，佢餐牌度可以揀清炒或者蒜蓉炒，我地比較重口味，就揀左蒜蓉~黎到即刻聞到蒜蓉同乾蔥頭既味道，佢地一d都唔輕手，feel到獲氣好夠！切成一半既小椰菜好易入口，唔會太油，食落清爽脆口，好惹味！一粒
想當年係附近讀書，最大飯堂仍然係街市平靚正燒味飯、酒樓外賣兩餸飯、煎釀三寶加豆腐花，估唔到而家仲有越泰野食添！
漁樂裝修走型格復古路線，木製牆壁綴以三兩霓虹招牌，主題格調呼之欲出。
餐牌食物種類豐富，有越南小食，亦有泰國炒粉麵飯，小食小炒通通不缺，最後我和友人叫了兩個主菜一個小食share。
缽仔芝士焗野菌
31 views
0 likes
0 comments
小食就係呢個芝士焗野菌！
唔好睇佢缽仔細細，其實好足料！
有幾種不同菌類，加上一層焗到金黃色既極厚芝士，一啖食落口大滿足
怕太膩既友人就灑左幾滴青檸汁係面，仲帶出多一層風味添~
好快就比我地掃晒啦~
泰式濕炒金邊粉
37 views
0 likes
0 comments
呢個金邊粉分量唔細，一個人食既話應該會有d多，好彩我地今次兩個人黎食
除左配料豐富，佢個汁炒起黎都係好泰國既味道，唔會太辣，甜甜地，仲有好香既羅勒同香茅味！
蒜蓉炒小椰菜
41 views
0 likes
0 comments
我地兩個一見到餐牌上有小椰菜就二話不說落左單
因為出面真係好少有得食，自己買黎煮都唔平，有得食當然要試下佢~
而呢碟餸都無令我地失望，佢餐牌度可以揀清炒或者蒜蓉炒，我地比較重口味，就揀左蒜蓉~
黎到即刻聞到蒜蓉同乾蔥頭既味道，佢地一d都唔輕手，feel到獲氣好夠！
切成一半既小椰菜好易入口，唔會太油，食落清爽脆口，好惹味！
一粒粒夾下夾下唔覺意就食晒成碟
大推！
本身仲想試埋佢地d甜品，好似芒果糯米飯呀咁，不過大大碟又好味既主菜已經將我地兩個KO左
所以甜品留返下次！
一定會再黎
Post
