阿里山台式美人鍋 (Closed)

同班姊妹經過附近，見到呢間叫做美人鍋嘅餐廳，係專門打邊爐嘅台式火鍋。所以就同班姊妹入去試吓。因為時間仲係好早，所以冇乜人。不過佢嗰度好大，仲有幾間單獨嘅房。我哋叫個桃膠美人鍋。仲有酸菜白肉鍋！美人鍋入入面有成隻烏雞， 超足料，睇得出已經淆咗好耐。超正！另外，我哋仲叫咗好多料放入去打邊爐。我哋好鍾意食佢啲牛肉粒同埋墨魚滑。其實所有配料都好有水準，連埋個湯一齊食係入晒味，可以連豉油都唔使點。最後仲要有番石榴食。呢度嘅店員好貼心，會教我地點樣飲個湯先最好味，或者幾時落啲配料先最入味。值得讚賞！有機會會再試吓佢其他火鍋湯底！