祥利車仔麵 (西洋菜南街) (Closed)

放假同閨蜜喺旺角購物完🛍，差唔多六點，行咗成日又攰又餓，喺T.O.P This Is Our Place商場隔離西洋菜南街有好多餐廳，我哋見到呢間光猛乾淨新開嘅車仔麵，試吓先。友善嘅店員哥哥招呼我哋坐卡位，一坐低舒服晒🌿。閨蜜點咗車仔麵🍜、醉雞翼小食🐥、飲抹茶紅豆冰🫘🍧。🍜好豐富嘅8餸車仔麵，配以清甜嘅雞湯湯底。裏面有原件花膠、日式叉燒、秘製豬手、牛肋條、韭菜餃，水餃、午餐肉及蘿蔔。閨蜜話有驚喜❤️，雖然係車仔麵，但係食得出小店用上優質材料，特別係原件花膠真係好吸引😋，厚身彈牙，秘製豬手及牛粒條都炆得香焾入味，呢碗車仔麵補充晒佢需要嘅骨膠原，靚晒😆。🐥醉雞中翼食落去有清香嘅花雕酒味，而且切開一半，食得好方便。配埋冰凍香甜嘅「抹茶紅豆冰🫘🍧」，炎炎夏日，真係好爽🧊🌿。我梗係食花膠九格定食🍱，呢個定食最啱心多多嘅我、炸蓮藕墨魚餅小食🦑，飲冷泡樽裝凍頂烏龍🌱。🍱花膠九格定食雖然係小店，擺設亦顯心思，定食賣相精緻，內有花膠湯、豬軟骨、醉雞中翼、蘿蔔、蠔皇花菇🍄、炸雞軟骨、秋葵、秘製豬手豬、炸蓮藕墨魚餅🦑，真係好豐富，仲配埋稻庭烏東🍜及白飯🍚各一碗。呢個定食，真係好抵食，有我最鍾意嘅花膠湯、炸物、