波仔記車仔麵 (Closed)

今日同朋友去咗北角睇下有咩食😆發現咗有間車仔麵店 我本身好鍾意食車仔麵所以就入咗去食啦！佢可以任選湯底同埋餸 我叫咗響鈴同埋魚腐，同埋湯底叫咗少辣，加咗杯凍檸茶就35蚊，對我黎講都算幾平！每個餸有兩件，不過不失。麵嘅份量就好多啦，所以就算兩餸麵都好飽。河粉好彈牙，唔會太腍，個湯底都好香，個秘製辣汁係咖哩汁咁嘅嘢，放喺個匙更上面。我叫咗小辣就覺得可以再辣啲，下次食會叫中辣！啲餸嘅味道就不過不失，魚腐好食啲🤪同埋想讚下佢個凍檸茶，我叫咗小甜小冰佢真係做到，有好多所謂有幫到你小甜小冰嘅嘢飲都係好甜好多冰😂 呢杯就好好！大讚！