華記滋味小食 (界限街)

Open Now

Now Closed

好掛住華記既湯底，於是乎去完附近辦事就黎呢到食車仔麵🍜🍜 我地倆人，分別叫左三餸 $49 同四餸麵$59～ 👍🏻車仔麵配料選擇眾多，花多眼亂，每樣都想叫，但白蘿蔔係必叫，非常入味冇根又淋軟，仲足足有4大舊，非常扺食。其次牛筋牛腩亦入味及淋軟，唔“鞋“口。 👍🏻麵底有粗麵，幼麵，米粉，米線等，本人喜歡粗麵可以掛多啲汁，所以揀左粗麵。 👍🏻葱/芫荽 可以自由選擇走/少/多啲👍🏻醬汁方面，如果食得辣，建議揀“重口味推薦（即係全部汁都有，包括腩汁，清湯，咖哩汁，沙嗲汁等等），湯底濃郁，味道好夾，少辣剛好，唔會搶口。 總結黎講，性價比高，絕對會Encore既車仔麵店！