不籽是咖啡 (文豪閣)

Open Now

Now Closed

油麻地轉角有間cafe仔，以木同水泥為主調，簡約自然風，加上植物點綴令人感覺清新又舒適，門口採用花紋地磚同長木凳，適合打卡、食物方面主打西日Fusion菜，適合同閨蜜聚餐👭個人喜歡扁意粉，所以叫咗幾款口味試試！意粉軟硬度適中，帶點咬口，超級無敵掛汁，好肥，好邪惡🥺 一款係黑松露雜菌味，另一款係椰汁雞肉蘆筍，前者香濃，後者creamy，各有千秋！估唔到雞肉咁滑，完全唔嚡口，出乎意料之外～ 最有驚喜嘅係純素版本，冇諗過係蕃茄醬口味，酸酸甜甜十分開胃，越食越上癮，比起前面嗰兩款冇咁膩，上面搭配多款新鮮蔬菜，微微烤過，五顏六色，粟米筍、茄子、秋葵、車厘茄同洋蔥，懶健康咁，好值得一試～ 小食有唐揚炸雞粒，五小件，外脆內嫩，惹味可口、最後以甜點作結，難得有Croffle真係唔可以錯過，帶淡淡牛油香氣，外微脆內鬆軟，搭配焦糖香蕉、雪糕同cream，美味開心又滿足😌