Video
Read full review
2018-09-11
1555 views
夜晚約左家姐到Sukiyaki Mori Kyuu食晚飯，我記得果日落好大雨，我地有遮都濕身，我地入到去個侍應見到我地咁狼狽就比左條毛巾比我地抹一抹，坐低就送上一杯熱茶同熱毛巾比我地，好貼心。每位客人都坐係師傅前面，可以一邊食，一邊欣賞師傅製作美食嘅過程。每一道菜個擺盤都好精緻，好似一件藝術品咁。前菜青椒柚子皮醬油啫喱配上魚子飯團，啫喱入口即溶，味道鹹香，仲有清清柚子香氣，非常醒胃。魚子飯團的的骰骰，一口食哂，魚子嘅鮮甜味衝擊味蕾。之後到松茸豆腐茶碗蒸，第一次見茶碗蒸係用豆腐做，幾特別，好香滑，有入口即溶嘅感覺，加埋松茸，味道更香。生牛肉刺身配上海膽，師傅同我地講食物要由淡至濃味品嚐，所以佢叫我地先食生牛肉刺身先，生牛肉刺身夾上青瓜同洋蔥，口感好豐富，青瓜同洋蔥作配襯又唔會喧賓奪主。海膽好CREAMY又好鮮甜，真係一試難忘，係香港好難食到咁鮮嘅海膽。之後就到主角-滋賀縣近江A4和牛，分為肉眼、西冷、肩夾，亦由淡至濃味品嚐，和牛油花分佈均勻，師傅會係我地面前烹調近江牛，我地會先食和牛之後會夾雜住食野菜、麵筋同蒟蒻等，配菜會吸收左和牛嘅香味同精華，令平平無奇嘅配菜都唔會覺得好單調。和牛沾上
每位客人都坐係師傅前面，可以一邊食，一邊欣賞師傅製作美食嘅過程。
每一道菜個擺盤都好精緻，好似一件藝術品咁。
前菜青椒柚子皮醬油啫喱配上魚子飯團，啫喱入口即溶，味道鹹香，仲有清清柚子香氣，非常醒胃。魚子飯團的的骰骰，一口食哂，魚子嘅鮮甜味衝擊味蕾。
之後到松茸豆腐茶碗蒸，第一次見茶碗蒸係用豆腐做，幾特別，好香滑，有入口即溶嘅感覺，加埋松茸，味道更香。
生牛肉刺身配上海膽，師傅同我地講食物要由淡至濃味品嚐，所以佢叫我地先食生牛肉刺身先，生牛肉刺身夾上青瓜同洋蔥，口感好豐富，青瓜同洋蔥作配襯又唔會喧賓奪主。海膽好CREAMY又好鮮甜，真係一試難忘，係香港好難食到咁鮮嘅海膽。
之後就到主角-滋賀縣近江A4和牛，分為肉眼、西冷、肩夾，亦由淡至濃味品嚐，和牛油花分佈均勻，師傅會係我地面前烹調近江牛，我地會先食和牛
之後會夾雜住食野菜、麵筋同蒟蒻等，配菜會吸收左和牛嘅香味同精華，令平平無奇嘅配菜都唔會覺得好單調。
和牛沾上蛋汁，令和牛入口更加滑溜，仲有一絲絲醬油嘅香甜味，一啖和牛、一啖香飯，好滿足。
師傅會平均分配配菜，每款都各有特色，食得出師傅對每一樣菜式都花上唔少心思。
當品嚐完和牛後又有另一番美食等緊我地，就係窩蛋牛肉飯配上麵豉湯，窩蛋中夾雜牛肉粒粒，口感豐富，蛋亦都好滑溜。麵豉湯更是非常足料。
用餐接近尾聲，仲有甜品同我地做HAPPY ENDING，北海道奶凍同日本哈蜜瓜，北海道奶凍真係十分好味，奶香味豐富而且好香滑，呢個甜品真係不可不試，日本哈蜜瓜非常香甜，仲好多汁。
成個Sukiyaki套餐都真係無得彈，服務用心，烹調細心。
Post
