胡爐 (Closed)

今次有朋友提議食呢間，名就聽過，睇圖都好吸引，凍冰冰一於打邊爐啦裝修有少少中國宮廷風，唔會好逼，平日嘅8:30未坐爆唔使排隊。日式和風蕃茄沙律驚熱氣叫個沙律做小食，估唔到打邊爐舖頭食沙律都咁有驚喜，唔係用白色嘅沙律汁，但酸酸甜甜幾開胃，蕃茄好新鮮。濃湯花膠雞鍋足料靚湯，見到好足料個色又唔錯，未落嘢食之前飲咗兩啖幾好飲，係濃郁既雞湯同花膠。雞肉唔會好韌，食得既，花膠唔係細細粒個啲，都好食，係足料嘅味道。 胡爐牛拼盤（牛舌芯、安格斯手切肥牛、極上手切牛頸脊、牛胸爽、霜降牛粒）打邊爐一定要食牛，有時兩個人想食多啲款都唔得，但係呢度有牛拼盤，岩曬啦，可以每樣都試吓，仲要個個部位都係正嘢，牛舌芯同埋牛頸脊真係冇得輸，一啲都唔韌，牛味又濃！大推手工丸拼盤兩個人每樣都可以食一粒，試多啲款（梅菜豬肉丸、蟹籽蝦丸、黑松露墨魚丸、手打墨魚丸）每種丸都好足料又彈牙。 黑松露墨魚丸好正，係好彈牙嘅墨魚丸，但係又會有黑松露味，仲有好少見嘅梅菜豬肉丸，有少少家的味道。餃類拼盤黑松露蟹肉餃、手工雲吞、自家製韭菜餃、香菇韭菜帶子餃，簡直就係皮薄餡靚，樣樣都好足料，雲吞入邊勁多蝦，好彈牙。蔬菜拼盤都係咩菜都有少少，每樣