Video
Read full review
2019-04-07
59 views
好耐好耐冇食過好食既日本餐廳，喺OpenRice搜尋尖沙咀附近嘅日本餐廳無意發現呢一間小店，見到食評介紹都唔錯所以就過嚟試吓。店子小小的，座位與座位之間嘅空位唔算多，如果坐滿人都比較逼夾，雖然係平日星期四晚上，不過嚟食晚飯嘅人相當之多！令我印象最深刻係當晚竟然有幾位外國人幫襯，啱啱坐落嚟冇耐隔離嘅四人枱都已經坐咗客人。點左嘢食之後職員就為我地送上呢兩份餐前小食，前菜係酸酸地嘅青瓜，蘿蔔絲等等，以及比較特別嘅鰻魚片，錢財好似會食到有鰻魚供應，酸酸地嘅前菜相當開胃！黎得日本餐廳當然唔少得食刺身！呢度嘅刺身相當新鮮，白雪雪嘅魷魚口感彈牙爽口，而且食落帶有少少黏性，好少日本餐廳嘅刺身可以做到有啲呢個質感👍🏻👍🏻👍🏻魚嘅刺身厚切識落真係好實在，尤其係厚厚嘅三文魚腩，油脂分佈對於我黎講係岩岩好，我一向好怕食落去好有入口即溶嘅感覺，呢個係油脂分泌岩岩好但又會有dd口感，恰到好處～岩岩好！象拔蚌刺身唔會覺得好軟身，鮮甜得來帶點爽口嘅感覺，呢度嘅刺身質素真係唔錯特別推介呢度嘅帶子 & 牡丹蝦，食落去除咗肉質大有鮮甜香味之外，完全唔會覺得牡丹蝦嘅蝦頭有怪味，蝦頭膏呈現橙紅色，入口濃郁嘅膏香味真係好少可以食
店子小小的，座位與座位之間嘅空位唔算多，如果坐滿人都比較逼夾，雖然係平日星期四晚上，不過嚟食晚飯嘅人相當之多！令我印象最深刻係當晚竟然有幾位外國人幫襯，啱啱坐落嚟冇耐隔離嘅四人枱都已經坐咗客人。
點左嘢食之後職員就為我地送上呢兩份餐前小食，前菜係酸酸地嘅青瓜，蘿蔔絲等等，以及比較特別嘅鰻魚片，錢財好似會食到有鰻魚供應，酸酸地嘅前菜相當開胃！
黎得日本餐廳當然唔少得食刺身！呢度嘅刺身相當新鮮，白雪雪嘅魷魚口感彈牙爽口，而且食落帶有少少黏性，好少日本餐廳嘅刺身可以做到有啲呢個質感👍🏻👍🏻👍🏻
魚嘅刺身厚切識落真係好實在，尤其係厚厚嘅三文魚腩，油脂分佈對於我黎講係岩岩好，我一向好怕食落去好有入口即溶嘅感覺，呢個係油脂分泌岩岩好但又會有dd口感，恰到好處～岩岩好！
象拔蚌刺身唔會覺得好軟身，鮮甜得來帶點爽口嘅感覺，呢度嘅刺身質素真係唔錯
特別推介呢度嘅帶子 & 牡丹蝦，食落去除咗肉質大有鮮甜香味之外，完全唔會覺得牡丹蝦嘅蝦頭有怪味，蝦頭膏呈現橙紅色，入口濃郁嘅膏香味真係好少可以食到！♥️ 超推介
唔好以為呢個刺身拼盤會好貴，只係$498就可以食到咁多款出色嘅刺身！真係超抵食
七味燒魚翅
平時食雞泡魚干食得多，見到有燒魚翅呢個幾特別，就即管叫黎試吓。燒魚翅既口感同燒雞泡魚干口感完全係兩碼子事！因為係魚翅關係，食落脆脆的但又唔會少得過分地乾身，配埋沙律醬一齊食更加香口，味道滿分
在場見到好多人都叫串燒，我哋都忍唔住叫返幾串試下。燒牛舌睇到好有厚度，唔係薄薄嘅一串串燒而係厚厚既牛舌，用上簡單嘅鹽燒調味，味道啱啱好而且唔會太過乾身，牛舌入面仲有濕度，就算唔點檸檬汁都好好味
豬肉腸配有一個好特別既外形！
味道方面豬肉腸唔算十分特別，豬肉腸整得唔會太過乾身，食起上嚟都唔錯，不過兩者比較之下我更加鍾意食呢度嘅炸雞皮，炸雞皮做得脆卜卜，鹹香味十足，我雖然係炸雞皮，我但係食落一啲都唔覺得油膩，而且覺得香氣十足！食完之後好想再encore🤤🤤🤤
最後叫咗呢味清酒煮大蜆，超大隻嘅大蜆食落好有肉感，大蜆有五大隻，因為以清酒🍶煮食落帶有少量酒香，味道都唔錯嫁！鮮味取勝
食到咁上下都已經要捧腹回家，呢間雖然係小店，但幫襯既人好多～就算有客人埋單冇耐又有新客入座。雖然座位比較迫但野食真係好得！
估唔到今次可以搵到呢間咁好味既日本餐廳，下次再同男朋友過黎食😽👍🏻
Post
