柴門西餐廳

Open Now

Now Closed

今日有事要辦，要去柴灣走一轉。柴灣平時就好少去， 因為無咩地方行，今日辦完事都夠鐘食晚餐，於是就揾一揾有乜好野食啦。 咁岩得咁橋按下openrice就揾到一間西餐廳， 睇食評睇相好似唔錯， 於是就試佢一下。先喺openrice訂位，有88折優惠。由柴灣港鐵站b出口行去大約5分鐘。餐廳喺東貿廣場6樓。 餐廳地方不算大，但環境寧靜，重有個台有live band 演奏。 不過疫情關係就暫時停止。到步後，侍應好主動介紹餐牌食物比我地。 餐牌食物款式不算太多，可以避免選擇困難症的朋友。我地點左3款食物: 卡邦尼意大粉，海中蝦意粉配香蒜番茄油，精選晚餐包括: 焗蠔，南瓜餐湯，三款季節小食，煎烤加拿大天然豬鞍扒。卡邦尼意大利粉，份量十足，忌廉味濃，岩哂忌廉控。海中蝦意粉，海蝦勁大隻，好爽甜，夠彈牙，好新鮮， 無得輸。煎烤加拿大天然豬鞍扒，肉質鮮嫩，有肉味，肥瘦適中，廚師煮食時間控制一流，點埋個介辣真係好好味，呢個豬鞍扒係我暫時食過最好味一個。食到尾聲，侍應問我地d食物如何？ 我呢個食物麻煩神，真心比讚，重會推薦比朋友。雖然價錢略貴， 但食物質素完全反映哂出黎。 值得一試。