Video
Read full review
2024-03-28
684 views
Holiday mood係唔同啲嘅…老細今晚又帶我去食靚嘢！！呢間嘢聽就聽過好多次～今次第一次嚟，果然名不虛傳！！一入門口驚見龍椅一張～夠曬氣勢！🥳👍🏻店內陳設精緻，仲提供中國服飾畀你打卡，佢用唔同嘅宮同殿嚟分區，好有皇宮氛圍～咁就等哀家好好介紹一下有乜好嘢食啦！🥳🤣昭陽公主椰子雞湯鍋：個湯用咗新鮮椰子同半隻雞，湯底仲有大蜆，未打邊爐，一煲滾就飲返碗先！！湯底非常清香甜美，淡淡嘅椰子味…濃濃嘅雞香…真係飲到停唔到口！！雞肉用慢火慢慢浸熟，非常嫩滑！！艾沙公主牛肉寶盒：呢個好明顯係打卡必備啦！😍一上枱噴出濃濃嘅仙氣～寶盒內有安格斯牛肉、本地牛肉、本地手切肥牛、頂級雪花肥牛、牛腱、牛舌心、牛肉粒同黃喉～色澤鮮紅亮麗，全部都好香肉味，各有唔同嘅質感，配埋雞湯，真係一絕！！伊比利亞橡果豬：呢個係真係可以媲美和牛嘅豬肉片～肉質非常爽脆，又有肉汁，輕輕涮幾下就搞掂，肉味香濃，我覺得係今日mvp！必點！手打蟹子墨魚丸：大大粒～成個乒乓波咁～兩個人叫四粒啱啱好，墨魚丸口咁非常彈牙，而且有濃濃嘅墨魚香味！香香公主響鈴拼盤：老細打親邊爐就一定要食響鈴，拼盤即係普通響鈴+黃金響鈴，炸到脆卜卜～就算唔浸湯就咁
一入門口驚見龍椅一張～夠曬氣勢！🥳👍🏻店內陳設精緻，仲提供中國服飾畀你打卡，佢用唔同嘅宮同殿嚟分區，好有皇宮氛圍～咁就等哀家好好介紹一下有乜好嘢食啦！🥳🤣
昭陽公主椰子雞湯鍋：個湯用咗新鮮椰子同半隻雞，湯底仲有大蜆，未打邊爐，一煲滾就飲返碗先！！湯底非常清香甜美，淡淡嘅椰子味…濃濃嘅雞香…真係飲到停唔到口！！雞肉用慢火慢慢浸熟，非常嫩滑！！
艾沙公主牛肉寶盒：呢個好明顯係打卡必備啦！😍一上枱噴出濃濃嘅仙氣～寶盒內有安格斯牛肉、本地牛肉、本地手切肥牛、頂級雪花肥牛、牛腱、牛舌心、牛肉粒同黃喉～色澤鮮紅亮麗，全部都好香肉味，各有唔同嘅質感，配埋雞湯，真係一絕！！
伊比利亞橡果豬：呢個係真係可以媲美和牛嘅豬肉片～肉質非常爽脆，又有肉汁，輕輕涮幾下就搞掂，肉味香濃，我覺得係今日mvp！必點！
手打蟹子墨魚丸：大大粒～成個乒乓波咁～兩個人叫四粒啱啱好，墨魚丸口咁非常彈牙，而且有濃濃嘅墨魚香味！
香香公主響鈴拼盤：老細打親邊爐就一定要食響鈴，拼盤即係普通響鈴+黃金響鈴，炸到脆卜卜～就算唔浸湯就咁食都好好味！黃金響鈴再加上淡淡嘅鹹蛋黃香味，食味一流！！
香香公主雜菇拼盤：除咗蔬菜之外，仲有金菇、秀珍菇、雞髀菇同木耳，正好中和一下大量嘅蛋白質！
自家製竹蔗茅根水：一上枱個壺就已經夠曬睇頭啦！清清甜甜…感覺好潤喉，打邊爐就啱曬啦！
其實選擇真係好多，淨湯底都有六七款，全部食材都好新鮮，連飲品都非常多元化，見隔離枱仲叫咗大大個啤酒塔，原來九點半後入座仲有七八折～真係好抵呀！！下次真係要約埋班friend嚟大擦一餐！！
Post
