韓星星韓國料理 (Closed)

平日lunch時間同朋友過黎食，待應服務可以啦，食餐晏o者。間餐廳有做埋韓燒，枱面都幾大，筷子、紙巾放曬在枱面金屬蓋下，打開就見到，幾整齊乾淨。睇下menu先，都幾抵下，甘叫左個石頭飯、燒牛肋骨，煎餅甘啦。有成8個前菜，而且唔係d行貨野，呢8個前菜睇落d色水都幾新鮮，而唔係死氣沉沉或者係冰封千年feel，甘就唔客氣，食左先。所有前菜水份都足夠，唔太辣，亦唔會充滿人工味精味，打從心底讚左出黎。說時遲那時快，就上左個海帶湯。熱辣辣，蒜香撲鼻，唔腥，料多，海帶軟得黎又滑溜， 飲到停唔到口。韓式煎餅，煎得幾香，口感軟「糯」，絕不死實，我會用充滿生命力去形容佢，再沾上附上醬汁去食，另一番口味。燒牛肋骨，鐵板上，wow，，未食已經聞到好香豐腴牛味，食指大動。牛肋骨一貫韓身風味，帶甜，肉汁豐富，咬落唔韌，加埋炒香洋蔥，送飯真係一流。呢度d米飯唔錯，飯香味甜，好有實在感。雞肉石頭飯，又係熱辣辣甘上，加埋韓式辣椒醬，中規中矩。以食物質素同價錢黎講，係幾好。有時食完韓食會好口渴，呢度又唔無呢個情況，都唔錯。