名門私房菜

Open Now

Now Closed

今日難得約到好朋友食飯，就揀咗名門私房菜，食吓正宗順德菜，餐廳環境舒服，服務又好，好啱同朋友放工後傾吓偈。🔸冰鎮鮑魚 配燒汁芥辣醬大隻嘅鮑魚彈牙有嚼勁，加少少燒汁芥辣醬，唔錯。🔸黃金蝦用流沙蛋黃製成嘅炸蝦，炸成金黃色，賣相好邪惡🤤蝦肉爽脆，蝦肉同流沙蛋黃嘅味道很夾，值得一試。🔸順德煎釀鯪魚新鮮鯪魚肉打成魚膠，再釀回魚身煎香，魚肉表面酥香，魚肉爽口彈牙，又冇魚骨，可以大啖大啖咁食。🔸杏汁豬肺湯個湯好足料，豬肺軟綿綿，個湯杏汁味濃，感覺好滋潤。🔸冰燒雞有薑絲，芋頭絲，青瓜絲，彈牙海蜇，燒雞絲，入口口感層次分明 ，各種配料混合起來嘅味道又幾特別，酸薑味幾岀，一口一口，令人食不停。🔸薑蔥蠔大大隻嘅蠔炸過後外層變得微脆，再以薑蒜炒香，放入砂煲焗一焗，開蓋後香氣四溢，蠔肉肥美飽滿，好滋味。🔸荷葉飯荷葉份量很足，飯調味得剛剛好，唔會過鹹同過油，食落淡淡飯都有荷葉香氣。最後再食埋碗綠豆沙，又唔會過甜，味道剛好又清熱，正吖。