Video
Read full review
2024-09-15
54 views
重房呢間Omakase之前響北角時都出晒名性價比高最近搬咗去銅鑼灣地鋪終於有機會去試下😋新鋪裝修好精緻好有心思黑金色嘅主調令整個觀感好有格調坐低時已經見到師博Ivan好忙碌咁處理緊食材見到佢一絲不苟咁做準備忍唔住非常期待✨ 日本蕃茄 & 北海道白粟米打頭陣前菜係高糖份嘅日本蕃茄加上自家製嘅白酒啫喱份外清甜同醒胃而北海道白粟米完全無經蒸煮十分香甜✨ 仙鳳趾生蠔呢款來自北海道嘅生蠔剛剛入季非常大隻特別之處係囊位飽滿勁cream配上土佐醋啫喱嘅微酸令整個味道好有層次✨ 北海道紫海膽•甜蝦蓉•法國魚子醬仲回味緊個生蠔又嚟另一個重頭戲日本嘅海膽踏入季尾～食埋呢轉就無得食😋呢款北海道紫海膽真係超級鮮甜！！！加埋甜蝦蓉、魚子醬仲有北海道淡雪鹽真係十分香甜而且口感豐富✨ 北海道石垣貝非常新鮮～ 師傅將成舊貝肉撻落個碟度佢仲會郁郁下😋😋 口感爽滑鮮甜好好味✨ 時令秋刀魚Ivan話嚟到秋天就一定要食秋刀魚呢條剛入季未算最肥但已經充滿魚油香味我第一次試秋刀魚嘅刺身原來魚味可以咁香濃✨ 池魚他他 撈咗啲日本炸蒜好香～ 成個口感都好滑✨ 火炙拖羅腦天 • 赤身腦天係稀少部位～100kg先得1kg雖然多筋但用火彈
最近搬咗去銅鑼灣地鋪終於有機會去試下😋
新鋪裝修好精緻好有心思
黑金色嘅主調令整個觀感好有格調
坐低時已經見到師博Ivan好忙碌咁處理緊食材
見到佢一絲不苟咁做準備忍唔住非常期待
✨ 日本蕃茄 & 北海道白粟米
打頭陣前菜係高糖份嘅日本蕃茄
加上自家製嘅白酒啫喱份外清甜同醒胃
而北海道白粟米完全無經蒸煮十分香甜
✨ 仙鳳趾生蠔
呢款來自北海道嘅生蠔剛剛入季非常大隻
特別之處係囊位飽滿勁cream
配上土佐醋啫喱嘅微酸令整個味道好有層次
✨ 北海道紫海膽•甜蝦蓉•法國魚子醬
仲回味緊個生蠔又嚟另一個重頭戲
日本嘅海膽踏入季尾～食埋呢轉就無得食😋
呢款北海道紫海膽真係超級鮮甜！！！
加埋甜蝦蓉、魚子醬仲有北海道淡雪鹽
真係十分香甜而且口感豐富
✨ 北海道石垣貝
非常新鮮～ 師傅將成舊貝肉撻落個碟度
佢仲會郁郁下😋😋 口感爽滑鮮甜好好味
✨ 時令秋刀魚
Ivan話嚟到秋天就一定要食秋刀魚
呢條剛入季未算最肥但已經充滿魚油香味
我第一次試秋刀魚嘅刺身原來魚味可以咁香濃
✨ 池魚他他
撈咗啲日本炸蒜好香～ 成個口感都好滑
✨ 火炙拖羅腦天 • 赤身
腦天係稀少部位～100kg先得1kg
雖然多筋但用火彈完會變得超香同淋身
夾埋赤身一齊食真係啖啖都係魚油香味
一凍一熱口感好有趣
✨ 磯煮鮑魚
佢哋其中一項signature
鮑魚慢煮幾個鐘再浸過夜所以入晒味
加埋鮑魚肝醬又係另一番滋味
✨ 金鯛
佢哋用一啲健康食材做咗一個紫色嘅sauce
加上檸檬汁瞬間變成粉紅色🤩🤩 超驚喜！
金鯛嘅鱗燒到好鬆脆
肉質軟嫩蘸埋個酸酸哋嘅醬汁好fresh
✨ 壽司六品
- 北寄貝加上柚子胡椒鮮甜與微辣交織，口感層次豐富
- 蜜柑鯛有少少陳皮咁嘅香味，而岩鹽同魚子醬棒嘅鹹香味令魚肉更鮮味
- 金目鯛有啲嚼勁，灑上烏魚子粉，又係鹹鹹香香咁好鮮味
- 煙燻中拖羅，少少煙燻味入口即溶
- 馬糞海膽，成板海膽切蛋糕咁切出嚟～勁正！
- 右口魚邊魚油味滿瀉～加埋炒過嘅櫻花蝦有啲脆卜卜好有口感
✨ 鮮魚湯
由三十幾種魚頭魚骨煲成～
真材實料煲到咁奶白色
不過可能怕客人驚腥稍為胡椒味重手咗啲
✨ 靜岡蜜瓜
最後係用超清甜嘅靜岡蜜瓜作結尾
好fresh好解膩👍🏻👍🏻
咁豐富用料咁上盛嘅17品omakase
#係連每隻碟都勁精緻係師傅專登響日本搵返嚟
竟然只係$1580/位‼️
有啲癲～Ivan都話性價比係佢哋嘅賣點！
亦唔會將貨就價～
希望揀選最優質同時令嘅材料準備比客人！
淨係呢份心意都好值得支持～
我會等海膽再回歸時返嚟encore🤭🤭
Post
